ونا اقر الموضوع تذكـرت قصــة
شخــص احتاج فلـوس وقال بدال ما اروح اخذ من الغريب
اخذ من زوجتي وكانت علاقتهــم جميلـه جــدا
كلمها قال يا ام فلان انا محتاج فلووس عشان العماار وبردها لـك بعد مانسكـن ان شالله
حاولت تصرف الموضوع وهو استغرب وبعدين قالت له بصريح العبـاره لا هذا واجبــك انت يعني النفقـه عليك انا مالي دخل
هذا ديننا كذا
طبعا يقوول انجرحت والي جرحني اكثر اني طلبت الفلوس دين بس قررت ارد عليها بنفـس طريقتها يقوول سافرت عند اهلها ورحت اخذت غالبية الاثاث الغير ضروري يعني المزهريات والتحف والاشياء الي زي كذا وديته لأستراحة خويي واخذت جهاز الكمبيوتر والتلفزيون والاشياء هذي كلها وحطيتها بالمستودع
ويوم رجعت ودخلت البيت قالت البيت انسرق !! قال لا يا ام فلان بس انا سويت الي تبينه انتي قلتي بالدين عليك النفقه ونا اعرف ان النفقه ثلاث اشياء السكن والاكل والملبس بأي حق انا اشري تلفزيون والكمبيوتر !!والتحف والاغراض الغير اساسيه انا اسوي المطلوب مني ونتي ساكنه ببيت وماراح تموتين جوع والملابس ماقصر فيهم وفرتهم
كل هالنقاش والبنت مانطقت يوم خلص كلامه قالت فهمتك بكرا اعطيك الفلوس قال لا ما ابيهم انا تدينت بس بغيتك تفهمين ان الحياه اخذ وعطا ^_^ واغراضك بكرا وهي عندك
خلاصة القصة
مو ذنب الرجال اذا الحديد ارتفع سعره وصار العماار شبه مستحيييل يعني شخص مثلن راتبه 5 الاف كيف راح يعمر !!
فأنا اقوول اذا ارادت ان تعيش على هالوضع وما تساعد زوجها ماديا اوكي بس لازم ماتطلب من زوجها فوق طاقته وراتبه !يعني ماتقول نبي بيت ملك ولا تطلب طلبات صعبه وبكذا تصير كفت خيرها وشرها ولكن بعض النساء ماتساعد وتطلب من زوجها فوق المستطاع !! وهذي المشكله
التعديل الأخير تم بواسطة OnlyHuman9 ; 22-08-2010 الساعة 07:08 AM