اخي الكريم تذكر انه اللي ما له خير بأهله ماله خير بأحد ... تصرف زوجتك يدل على انها أصيلة وما تهون عليها العشرة ومثل انه ما يهون عليها أحد من اخوانها ينصاب أو ينجرح فهذا معناه انه انت ما راح تهون عليها اذا لا سمح الله صابك مكروه ...


يكون في مشكلة اذا كانت تقصر بأهلك اذا زاروكم ... ولا تحاسب على شعورها ...أكيد بيكون شعورها غير بزيارة أهلها مثل ما يكون شعورك لما يزورك أهلك غير عن لما يزورك أهلها ... المهم التصرفات ومستوى الضيافة ..

كان زوجي باول زواجنا يتضايق من زيارة خواتي لي بحجة انهم يشتتوا أفكاري عن أولادنا ... يبي انه اهتمامي كله يكون لبيت الزوجية وبس ... رضخت وخففت زيارات وما عدت أذكرهم أمامه لكن شعوري واهتمامي فيهم ما تغير لانه شيء ما أقدر أتحكم فيه ... كل اللي صار انه صار بيني وبين زوجي حاجز .. صار في امور ما أقدر اكلمه فيها واحتفظ فيها لنفسي ... المفروض تكون الزوجة تقدر تكون مع زوجها على طبيعتها وتفتح له قلبها بكل شيء ..برأيك تكون العلاقة سليمة والقلوب عند بعض بين الزوجين اذا ما اشتكت الزوجة لزوجها وما قدرت تظهر حزنها أمامه ولازم تمثل انها ما تأثرت بحادث صار لأخوها مثلا ...