حبيبتي ام كميل .. الله يعينك ... الحل عندك انت بس يبيلك تتوكلين على الله وشوية إرادة قوية ,,
انتي شايفة ان الطبع هذا متعبنك وومتعب نفسيتك وممكن يأثر على صحتك وحياتك الزوجية لا سمح الله فليش
ما تفكرين انك تتخلصين منه .. هذي مو غيره ... هذا شك ووساوس شيطان ... حبيبتي خذي مني نصيحة إخت
اذا لقيتي فيك سلوك يضرك ويضر اللي حولك ويخرب علاقاتك مع من حولك ... صححيه ... استغلي كل لحظة
مع زوجك وتقربي منه ... فكري كيف تحافظين عليه ... فكري كيف ما تخلينه يشوف غيرك بقلبه طبعا ...خلي تكون عندكم
ذكريات حلوه في الغربة ... ليش متعبة نفسك وليتك مستفيده شيء ... خلك واثقه من نفسك وزوجك ...
ما دام انه طيب ويحبك وانتي واثقه فيه لا تخلين افكار الغيره وخرابيطها تأثر عليك ... وصدقيني اذا لاحظ زوجك غيرتك
الزايده وشكوكك فبيعتبرها اولا عدم ثقة ... ثانيا رغبة في التحكم والامتلاك ... ثالثا بيحس بضغط ضغط ضغط لين ينفجر
لا سمح الله ... القرار بإيدك عزيزتي ... والله يعينك ويفرج همك ويسعدك مع زوجك ..