السلام عليكم ...
معليش حبيبتي ماما صح ....
ومن قال انك صغيرة على الغطاء ..ما شاء الله كبيرة وفاهمة وعاقلة ....
وبعدين لو بتشوفين ثنتين ماشيات في الشارع وحده عبايتها على راسها والثانية على كتفها ...بالله وخليك صادقة مين أحلى وشكلها جذاب أكثر ؟؟؟؟
أكيد اللي على كتفها .... وربي فرض علينا الستر ليش ؟؟؟ مهوب علشان ما احد ينجذب لنا ويطالع فينا وبعدين يآذينا ؟؟؟
صح حبيبتي ولا لأ ؟؟؟
وخلاص انتي كبيرة لازم تتغطين عن كل اللي غير محارمك .... المسألة فيه طاعة لله قبل طاعة للوالدين ...
البنت اذا بلغت خلاص تتغطى ....
واذا على موضوع صراخ أمك عليها طيعيها وتقربي منها وشوفي وشلون بتكون حلوة معك ويمكن تعيد نطر في بعض قراراتها ..
بس اذا حياتك معها دائما طلبات وتبين أشياء انتي عارفة انها رافضتها فأكيد بتعصب وبتهاوش عليك ...
فخفي شوي عليها واثبتي لها انك قد المسؤولية وقد انها تجيب لك جوال .... لكن بطريقتك الحالية انتي تثبتين لها كل يوم انك ما تستحقين الجوال ومخاوفها في محلها ....
وبعدين حاجة أخيرة :
مين قالك ان المكالمات مع الشباب هذي ( حب )
الحب كلمة كبيرة أكبر من العبث ولعب العيال والكلام اللي يسوونه الشباب في بنات المسلمين .. وتراها ماهي غلطة بسيطة عشان ينسونها اهلك بسهولة ... وكلامك اللي فوق يثبت ان عندك استعداد تطيحين في نفس الغلطة أول ما يجبونلك اهلك الجوال ....يعني عندهم حق لما ما يجيبون لك الجوال الحين
لأن تفكيرك الى الآن في الحب اللي هو أصلا مو حب ....
تحمليني انتي زي بنتي ولا ابي لك الا كل خير
أصلحك الله وستر عليك وعلى بناتنا وبنات المسلمين