سلامي للجميع

خرج له ابوي قبل يومين و قال له ياولد الناس لازم تلتزم بوقت معين عشان تجي تاخذ الاولاد فيه و ترجعهم البيت(طبعا صار لنا 8 شهور على هالحال و احنا نقول له لازم تلتزم بوقت لكنه ما يحط لكلام اي احد اعتبار )

الموهم انه جا اخذ العيال على الوقت اللي قال فيه ابوي
لكنه جابهم بكير اكثر
و الليله اللي بعدها اخذهم عالوقت و جايب الصغير بكير اكثر ومحد كان بالبيت غير ابوي طلع ابوي للولد وقال له محد فيه وراح قال لطليقي انا مو قلت لك تاخذهم 8 ونص وترجعهم 11 وصارت كبيره و كل واحد ظل يتلفظ عالثاني و ولدي اللي عمره 5 سنوات دخل البيت منهار يبكي و انا حزتها جيت مو فاهمه السالفه بس لقيت ولدي وجهه مخطووف و حالته حاله وقال انا بروح مع بابا وطلع بسرعه ما امداني اوقفه ...

و الصغير صار عندي و الكبير عند ابوه .. حلف ابوي ان لازم الصغير يلحق اخوه ... وبيني وبينكم ابوهم يحبهم من جد و ما بيقصر عليهم و يخاف مره عليهم ... لكن الله يهديه يارب وتفك عقده

الموهم انه في الصبح جهزت اغراضهم و أخذ اخوي الصغير و الأغراض لأبوهم .. بوم اخوي وصل بيت طليقي و اعطاه الصغير
نزلت عليه السكينه وقال يبي يتفاهم وترجا اخوي يجلس للتفاهم .. قال له اخوي احنا من زمان نبي نتفاهم معك بس الحين ضاع الوقت تفاهمك يصير مع ابوي

... بعدها بساعه اتصل علي مرتين و في الثالثه رديت عليه قال لي الصغير يحتاجك قلت عارفه و الكبير بعد يحتاجني و انت ما بتقصر عليهم و ابوي يرفضهم لأنك كل يوم جايب لنا مشكله .. آسفه خلي كلامك مع ابوي


وقفلت جوالي لاني ماابي اضعف تحته ولا تحت خواته .....

فيني خوف فيني الم متشتته خايفه يجيب لهم مرت ابو ..او يتهور ويسوي شي فيهم .. وفي نفسه مدري ساعدوني.. ابي ارتاح بس دمي يغلي و اعصابي تعبانه كيف ارتاح ؟؟

__________________
(أمن يجيب المضطر إذا دعاه و يكشف السوء)