ضــآيقه بالحــيل محتآجه آشتكي
السلام عليكم ورحمة الله وبركـــاته ~
حبيت افضفض واتكلم عن اللي بداخلي
اخواني واخواتي انا بنت عمري 22 سنه
مثقفه
جامعيه
شخصيتي قويه
حزيينه كثييرا
قويه امام الناس
ضعيفه امام نفسي
عشت حياه عآديه ممله وبعض الشيئ كئيبه
عايله محافظه ما نطلع الا فيما ندر
امي وحيده اهلها يتيمه لا عندي لا خالات ولا بنات خاله
عندي عمام و عمات وعلاقتنا فيهم سطحيه ~
يعني باختصار مقطوعين من شجره محد يجينا ولا نروح لحد بيتنا تقريبا مهجور
مريت بتجربه حب عمرها سنتين وكانت اروع ايام عمري ولكن نهايتها كانت فاشله وقاسيه وموجعه وعميقه
وللحين اثارها ,,
بعدها كنت بنت محطمه تعيسه متشائمه كرهت نفسي وكرهت الدنيا
وعندي صديقه كانت هي امي واختي وحبيبتي
للاسف تزوجت اخوها
تزوجت منه هروبا من حالتي النفسيه المدمره
لما تزوجته حطيت امال الدنيا عليه كنت ابيه الحبيب والاخ والام والصديق والزوج
وللاسف مالقيت فيه ولا شي
لقيت فيه مجرد طفل وانا اربيه واعلمه
بدايات حياتي معاه كنت ااقلم نفسي اهم شي مارجع مطلقه لاهلي مره ثانيه ولحياتي الكئيبه الموجعه
لكنه انسان ما يتعاشر ابد
انسان اول ايام الزواج يقول شنو العلاقه الزوجيه؟
شنو لازم يسوون المتزوجين
فيه عجز جنسي
كلامه وتصرفاته تصرفات طفل عمره 10 سنوات
انعدام شخصيه لدرجه كبيره جدا
عنده الزوجه تغسل وتطبخ بس
مايعرف اي شي ثاني
واذا ما طبختله فضحني عند اهله
وانا جامعيه وارد البيت س 7 المغرب متى اطبخ واغسل وانظف
وسالفتي معاه كانت طويله حييل صبرت باولها ومليت باخرها وطلبت الخلع وافتكيت من اكبر هم بحياتي
المشكله الحين فيني آنا ~
صديقتي الحبيبه قاطعتني عشان اخوها ~
امي احبها وتحبني وترحمني لكن لها اعتقدات خاطئه كثيره اهمها ان انا مستحيل اطلع من البيت
اخواني علاقتي فيهمم سلام بس
واهم شي عندهم حريمهم وانا نفس الغنفه بالبيت
واذا احتاجو شي جو يستشيروني وانا اصغرهم بس الحمدلله عقلي كبير وشخصيتي قويه
تعبت من حياتي
لا وظيفه لا طموح لا زوج لا صديقات لا اهل
وحتى لو كونت صديقات ما تستمر علاقتنا اما البنت تطلع سطحيه او تبي تاخذ مني النصيحه والمصلحه
وتصدمني وتطلع من حياتي او تتزوج وتنساني ,,
اعاني الوحده والكابه
صارت حزني حزنين
الوحده تقتلني
الكآبه تحاصرني
الذكريات الحلوة تعذبني
والذكريات التعيسه تذبحني
محتاجه ارتب نفسي
نعودت اتغلب ع الحزن واقلب الصفحه
لكن الحين لا
حزني تعدى الصفحاات والكتب والمعلقات
ابي اعيش عيشه هاديه
وبال مرتاح
ما اطمح للسعاده كثر ماطمح لراحة البال
مجرد فضفضه
واسمحولي ع النكد
آستودعكم الله ,,,