اقتباس:
المشاركة الأصلية كتبت بواسطة صابرة بدنيتي
السلام عليكم ورحمة الله
اسال الله ان يعتق رقابنا من النار في العشر ايام االاواخر ويجمعنا بجنات عرضها السموات والارض
الصراحة انا دائما الي ابادر بالصلح بكل مرة سواء مع زوجي او امي او اي احد اغليه وانا تعبت من هالضعف
امس دخلت بمسنجر زوجي ولقيت احد مدري عنه مهبول مصرقع الله اعلم به قالي زوجي ابكم واخرص ولايجيد الكتابة جيدا ..المهم انا حبيت اتاكد هل هو رجال فعلا صار يرسلي بوس وصور اباحية وانا زعلت قلت لزوجي وش هالاشكال الي تضيفها عندك بالمسنجر المهم طلع مني كلام شين وسبيت هذا الشخص بكلام مب زين عند زوجي لانه استفزني بالصور الي ارسلها فوق كذا حاط صورة بنت متبرجة في العرض وماحبيت ان زوجي عيونه تطالع بهالاشكال عصبت وطلع مني الي طلع
زوجي قام يلوم علي ليش اقول كلام شين اعتذرت له وقلت له اسفة لكن حسيت انه مارضى الحين احنا زعلانين وتعبت من كل مرة اقدم الاعتذار لزوجي الشى الثاني هو يطنشني وانا اكره كذا
ايش اسوي بالله عليكم اطنشه انا بعد ولا ارجع اراضيه والله اني صرت احس بالضعف اشلون هو يقدر على تطنيشي وانا مقدر احس بقلبي يعورني لا خاصمني او ابتعد عني ابي اصير زيه بس ماعرفت اشلون
معلش على اللخبطة في الكلام بس والله ضايق صدري
|
أختي الفاضلة
مبادرتك إلى الصلح مع كل من تتخاصمين معه صفة طيبة فيك جدا ً, وهذا يدل على طيبة قلبك ونظافته
ولا تنسي حديث ( وخيرهما الذي يبدأ بالسلام ) فأنت إذا بادرتي إلى الصلح فأنتِ أخير منهم ..
هذه نقطة
النقطة الثانية لا يسمى هذا ضعفا منك بل حسن خلق .
أما دخولك على الماسنجر , فما أدري وش تقصدين ؟ هل لقييته مفتوح ودخلتِ ؟ أو إنك تعرفين الرقم السري ؟
المهم دخولك على ما سنجره بدون إذنه تجسس , وتعرفين حكم التجسس , حتى لو كان زوجك ,
ومن حقك تعصبين وتغضبين على زوجك لأنه مضيف الأشكال هذي وصور وأشياء غير طيبة , لكن لو جيتيه بالهداوة واللين ترى أفضل , .
وما دام اعتذرتي منه خلاص , أديتِ اللي عليكِ , وإذا كان زعلان إلى الحين فأنا من رأيي
إذا كان كثير الزعل ودام يزعل وتراضينه وما يرضى فمن رايي تطنشينه شوي حتى يحس فيك
لأن كثيرة الزعل نكد في الحياة .
طنشيه شوي حبتين حتى يراجع نفسه , لأنه الآن يرى أنه مستغل ضعفك ...
لكن لا تكثري التطنيش والزعل ترى الزوج يمل وما عاد يهمه تزعلين أو لا , لأن كثرة الأمساس تقلل الإحساس
وفقكما الله وأصلح الله ما بينكما
أ
__________________
(..ما أجمل أن تختم يومك ويكون قلبك خالياً من الغل أو الحقد أو الضغينة على امرئ مسلم ..)