اقتباس:
المشاركة الأصلية كتبت بواسطة ميــس
أختي ..
الشعر بمر بمرحلتين مرحلة هي مرحلة النمو و تستمر ل 3- 6 سنوات
و مرحلة توقف نمو او استراحة و تستمر ل 3 أشهر و بعدها تسقط الشعرة ، بفعل الشعرة الي رح تطلع مكانها ..
خلال فترة الحمل ارتفاع هرمون الاستروجن بزيد من كمية الشعر يلي بمرحلة النمو و بقلل من كمية الشعر الي بمرحلة توقف النمو ، و هيك بتلاحظ النساء كيف انو شعرها صار أغزر في الأشهر الأخيرة خاصة ..
بعد الولادة مستوى هرمون الاستروجن رح يتناقص و بالتالي رح تزيد كمية الشر الي توقف نموه و تقل كتير كمية الشعر الي بمرحلة النمو
و هيك بعد شهرين او 3 رح تبدا كمية كبيرة من الشهر بالتساقط (كل الشعر الي دخل بمرحلة توقف النمو خلص عمره و رح يتساقط)
تساقط الشعر بستمر من 6- 12 شهر بعد الولادة
يعني لما عمر ابنك يصير سنة كحد أقصى لازم يتوقف التساقط الغزير
و إلا
لازم تشيكي على هرمونات الغدة الدرقية بتعملي تحاليل TSH , T4, T3
و أيضاً على الحديد و خضاب الدم
و كنصائح لحتى تخففي من تساقط شعرك
استمري بأخد الفيتامينات و المعادن
كلي كمية منيحة من البروتينات
يعني متل صدر الجاج ، هبر سمك ، بقوليات و حبوب ، و اللحمة الحمر ، و الحليب .. الخ
و متل ما عم تعملي تجنبي السشوار و الجل و كريمات تسبيل الشعر و الخ
تجنبي لما تحطي زيت لشعرك تقربيه على حرارة لأنو بحترق
و معافاية بإذن الله ..
|
طمنتيني الله يطمن قلبك يا دكتورتنا
يلا نستنى كمان 6 شهور جايه عشان التساقط يوقف
كنت ناويه اسوي موعد مع الدكتوره عشان اسوي التحاليل
بس الحين لغيت الفكره و راح استنى شويتين كمان
اشكرررررررررك