السلام عليكم اختي
قصتك كثير كثير مشااابهه لقصتي والا الان مازال على ادمااانه بس للامانه غير معاملته معي وصار احسن بكثير
اول شي ادعي له
ثاني شي بقولك شنو انا سويت وحسيت فيه شويه تغيير بس الاكيد انه مازال على علاقاااته بس خف كثير عن اول
ومع السنين باذن الله بيعقل
اول شي خلي بنفسك روح الامل والتفائل ولاتقولين تعبت لان هالكلمه تخليك تتعبين بالفعل ادري وربي حااسه فيك بكل شي لاني عانت مثل ماعانيتي واكثر
لاني خليته هم بحيااتي انتي لاتهتمين لسوالفه اضحكي وسولفي معه ولا كنك شايفه شي الا اذا صاار شي واضح قدامك تكلمي معه بس لاتكلمينه باسلوووب هواش وعصبيه ترى مابتفيدك العصبيه
اول كلامك قوليله منت صغير واعلمك الصح من الخطى ولا انت مراهق واقدم لك النصاائح انت كبير وفاهم وعاقل وتعرف ومقتنع ان اللي تسويه مو صح وانه بيخرب عليك حتى حيااتك مع شريكة حياتك اللي هي انا انا مالي الا ادعيلك
وهالشي باراده رب العالمين لانه صار عااده عندك
بس قوليله انا زوجتك اذا تبيني بتعرف تدل طريقي وتبعد عن تفاهاتك واذا تبي تطير بتعرف تطير لكن لاتتوقع بعد مااتبي كل شي اني برجع لك حتى واحنا ببيت واحد بعتبرك ولا كنك بحيااتي وخليك قول وفعل مو انك ماتكلمينه مسويه زعلانه لا
كلميه واضحكي بس لاتكونين معه مثل اول صبي اهتمامك على نفسك انتي اهتمي بحالك والبسي وتكشخي وعيشي حياتك ولا كنه موجود ربي ولدك وحاولي اذا انك ماكملتي دراستك تكملينها عيشي لاتخلينه اكبر همك اشغلي تفكيرك بدراستك وبولدك وبزيارات اقاربك بكل شي الاهم ماتتعبين نفسك عشاانه وربي لما يشوف انك معد تهتمين بهالامور ليصير هو اللي يجيك يبي اهتمامك الاول بس يبيله وقت خلي عندك صبر وقوه تحمل انتي قويه اكيد باااين عليك القووه خليك قد قوتك
انظري للحيااه لاتغيرين من حيااتك اللي قبل الزواج اي شي اهتمامك لنفسك روحك الحلوه لاتغيرين شي اعتبريه اضااافه فقط ربي عطاك هي بحياتك الاهم تبينين له قوتك وعزمك وربي لتتغير حيااتك وضحي قوتك باهلك وبدونهم قوليله لاتتوقع ان اهلي ضدي انك بتذلني بالهشي او بياثر على نفسي خليك قويه واجهي اهلك وواجهيه بقوتك وعزمك درااستك دراستك هي اللي بتفيدك من بعد الله سبحانه وتعالى
والله يهديه ويصلحه لك ويوفق بينكم يااارب