السلام عليكم ورحمة الله وبركاته :
أتمنى من الاعضاء المحترمين يفسرون لي وضعي ويجاوبوني على أسألتي ..( رجاءاً اللي يبي يستهزأ يضف وجهه << بجد قويه هالكلمه من الحين .. ماأريد أي استهزاء .. واللي مو عاجبه مو ضوعي يطلع منه )
السالفة باختصار .....أنا كنت أيام الجامعة دايماً أتكلم مع صديقاتي في موضوع الزواج .. وكنت أمووووووووت بس على طاري الزواج ... حتى كنت معروفة بالشي هذا .. يعني اللي تبغى مني مصلحة اوتبغى تونسني تدعيلي بالزواج وبس ...
وبصراحة كنت أحب صديقاتي كثير وكان عددنا تقريباً ثمانية .... لكن سبحان الله ..بعد التخرج ......... كلهن تزوجن ماعدا أنا ووحده كمان بس شكلها ماتطول ... وصاروا كلهم يقولولي .. انتي اللي تموتين على الزواج ومع ذلك تزوجنا قبلك ....
والحين تخرجت من الجامعة صار لي سنتين ... لكن : نظرتي للأمور تغيرت تماماً .. رغبتي في الزواج تكاد تكون منعدمة تماماً .. خلاص مالي نفس أتزوج ... لاني صرت اكثر وعياً وادراكاً للأمور وتفهماً وبديت أشعر كمان أن الزواج مونفس اللي ببالي ..
وكأن الله أنجاني منه ... وانا بالفعل أجريت تحقيق مع كل صديقاتي .. " وين افضل الحياة قبل الزواج أم بعده " كلهم قالوليها ... قبل أحسن بكثير ... الزواج أول شهرين وبس .. وبعدها غثا ... بدءاً بالحمل والتعب والملل ... ومسؤولية وبعدها سكرات الولادة ... وبعدها طفل يجيب المرض سهر حرمان من النوم صياح مستمر حليب غيار حفاظة تنظيف كررررررررررررررف الى ابعد الحدود .. فوق كذا العلة اللي عندها مايقدر أهم شي عنده نفسه .. لان الرجل بطبعه اناني ... يعني مافي وقت الوحده تعطيه لنفسها .. مسؤوليات وواجبات والزاميات ........الخ
أنا بصراحة حالياً .... تغيرت كثيييير عن أول .... بديت أنظر لصديقاتي على انهم سطحيات جداً ماعندهم عمق بالتفكير ... وماعندهم سالفة ... مع اني قبل كنت دايماً اتناقش معهم ... بس كانوا دايماً يوصفوني " تفكيرك غريب .. انتي دايماً مختلفة .. رأيك غير .. انتي دايماً مصرة على افكارك " يعني هذي الكلمات اللي دايماً أسمعها منهم .... بس الحمد لله اللي مايخليني أهتز من كلامهم هو ان كنت متفوقة جداً الحمدلله وماكان أحد ياخذها علي ودايماً الدكتورات يمدحوني ... أما صديقاتي يتعبن في الدراسة تعببببببببب ... وبالنهاية تطلع الوحدة بمادة والا مادتين ....
الحين بصراحة أحس نفسي مرتاحة .. استبدلت صديقاتي بصديقات وهميات خلف الشاشة ... وجدت في الانترنت العالم اللي كنت ابحث عنه ... احب العمق في التفكير واستخدام العقل والتحليل والتركيب والقياس والمقارنة ....
صرت أحب غرفتي كثييييير ..واعتبرها نعمة كبرى من الله .. أحب سريري مررررررة واحب اللاب توب حقي .... أحب كل شي في غرفتي ... خلاص انا مكتفية عن العالم الخارجي .... واستغنيت عن كل الناس ... أحب حياة العزوبية أهدأ للبال ... خلاص ماعندي رغبة اتزوج .......
كل يوم الصبح .. اسوي لي قهوة واجلس في غرفتي ... اتصفح النت أقرأ ... حتى أهلي بدو يلاحظون علي ... دايماً في غرفتي ...
كمان بطلت اروح للمناسبات ... لولا ان أمي تجبرني .. لكن لو بيدي .... ماأريد أشوف وجه أحد من قرايبنا ... بديت أحس انهم سطحييين وأغبياء ... وماعندهم سالفة ....
وبصراحة بدت تخطر علي أفكار غريبة ... أول فكرة اعتنقتها لمدة اشهر وكنت مصرة عليها بشدة ... وهي الزواج من شخص متزوج .. عشان ارتاح من المسؤولية ... لما كلمت امي .. قالت لي " انهبلتي انتي .. لاتتفائلين على حالك "
وبعدها بفترة هونت ,, وقررت فكرة أحسن " أتزوج شخص أصغر مني " عشان مايتحكم بي ........ وبعدها بفترة قررت اتزوج شخص عقيم عشان نفتك من الزحمة والمغثة ... وبعدها قررت قرار ومازلت أراه الافضل حتى الآ ن وهو " زواج المسيار " أنا معجبة جداً بهذا النوع من الزواج فهو يناسبني كثيييييييراً .....
سؤالي ماهو تعليقكم على كلامي ؟ وماهو السبب وراء انعدام رغبتي بالزواج ؟
واذا كنت ماأحب أروح للمناسبات وأمي تجبرني ... ماهو الحل الافضل ؟