اقتباس:
المشاركة الأصلية كتبت بواسطة الورده زينب
عيدٌ بـ أي حالٍ عدت يا عيدُ ، بما مضى ؟ أم لأمر فيك تجديدُ ..
: ) ، الحمدلله على كل حال ..
تقريباً نفس الحال عندي بس بـ وضع مختلف
كنت اتذكر العام الماضي بـ نفس العيد بـ نفس الوقت كنت اتذكر وين كنت
ومع منو كنت
وشنو اهداني زوجي < وقتها
ووين رحت
ووين طلعت
وثيابي
وتعليقه على كشختي
والسنة .. آنه وين !
بس في النهاية ابتسم واحمد ربي ، لأن طلاقي كان نعمه من عند ربي طالما اتمنيتها لما كنت عايشه معاه
وأكيد يا أختي ، عاطفة الأمومة كلنا عندنا إياها ..
وكلنا نتمنى إن الله يعطينا عيال نشبع فيهم غريزة الأمومة والحب والعطف اللي عندنا
بس من كل هذا ... الله تبارك وتعالى له حكمة في كل اللي يصير لنا في حياتنا
وكل شي من عند الله خير حتى لوو إحنا مو حابينه ونتمنى الوضع يتغير
بس وقت اللي الله يكتب لنا الخير في العيال
أو الزواج
أو أي شي بنلقاه
{ لئن شكرتم لأزيدكم }
فـ الحمدلله والشكر على أي حال وكل حال ..
بس نصيحه أختي ، حاولي تقنعين نفسج من داخل إن " الزوج " مو شي أساسي لازم يكون في حياتنا
أهوهـ شي ثانوي .. نكمل به حياتنا ونشبع غرائزنا سوى الجنسية أو العاطفية أو غريزة الأمومة أو غريزة الحب والعطف والحنان والمودة ..
الزوج مو كللللللل الحياة ، بالعكس جزء بسيط من حياة المرأه هو الزوج
وفيه أشياء ثانية
نعمر بها حياتنا ونشغل وقتنا
مثل العبادات
وقراءة القرآن
وإكمال الدراسة
و و و و إلخ
صدقيني اقتنعي باللي عندج وراح تكونين مرتاحة
واتمنى إن آنه هم اقتنع باللي عندي وبحياتي وبكل شي ..
ومو كل نصيحة نصحتج فيها آنه اسويها ... بس الشي اللي يمكن آنه وغيري مانقدر نسويه
إنتي تقدرين تسوينه
أو شي آنه اقدر اسويه وغيري مايقدر
الناس قدرات وعلى هذا الاساس نصحتج
واتمنى لج كل الخير .. والحياة السعيدة والاستقرار النفسي ..
واتمنى لج زوج صالح يملي عليج دنيتج ويرزقج الذرية الصالحة اللي تتمنينها يـــارب
أما بـ النسبة لـ موقع الزواج ..
بـ صراحه انتي قلتيها بنفسج " فيه ناس تلعب وتتسلى " !
انتي ليش تخلين نفسج عرضه حق هالشي !
آنه ماعرف هـ الموقع ولا اعرف شنو فيه وما فيه ..
بس إذا تحسين إن ناس وايد فيه يتسلون لا تدشينه وتعورين قلبج
بس إذا اغلبهم جادين وطالبني الزواج والستر فعلاً .. فـ عليج به
وما بيدي غير الدعاء لج .. وبس
: ) دعواتج لي أختي بـ التوفيق في دراستي
|
جزاك الله خيرا للكتابة بالعربية بدل العامية المتعبة جدا في المتابعة والقراءة ..
كنت أقفز على مشاركاتك بسبب العامية ..
أما أن الزواج شيء ثانوي فهذا غير صحيح ... كيف إشباع الغرائز كما سيمتها شيء ثانوي؟؟
هذه فطرتنا التي فطرنا الله عليها ... معاندة الفطرة ستصدم في النهاية مع الواقع الذي لا مفر منه وهي حاجة الإنسان لتلبية متطلبات فطرته ...
الواجب علينا أن نصبر ونستعين بالله ونكثر الإستغفار والدعاء ..
أما مواقع الزواج فمنها الجيد ومنها السيء ..
عن رأيي الشخصي أنها تقوم مقام الخاطبة في هذا الزمن ...
فاستعيني بالله وأخلصي نيتك والله الموفق ..