عزيزتي ... فعلا الزوج يحب زوجته تغار عليه فهذا دليل حبك له .. ولكن يكره الغيره الزايده عن اللزوم وهي فعلا تبين ان الزوجه مو واثقه
في نفسها ولا في زوجها ... حطي نفسك مكانه وبتحسين ان الغيره الزايده بتضايقك وبتخليك مثل المقيده...
اختي الناس من حولنا ونحن نطالع فيهم مثل ما هم يطالعون فينا مو معقولة ان الانسان بيمشي وعيونه مغمضة
او منزل راسه في الارض ... ومو اي شخص نطالعه يعني يعجبنا او يجذبنا ... لا اختي ... لما زوجك يكون معاك في مكان
حاولي تشغلينه بالسوالف ... حاوي تستغلين الوقت بشيء حلو وابتعدي عن مراقبته لانك بتضايقين نفسك وبتضايقينه
وانتي تقولين انك ما تبينين له غيرتك ... بس هو اكيد بيلاحظ من تصرفاتك .... بعطيك مثال : زوجي جميل جدا ما شاء الله
وانا متوسطة الجمال والحمد لله ... لما نطلع مع بعض الاحظ ان كل البنات يطالعون فيه .. واللي تبتسم واللي تسوي حركات
ما اقولك ما اغار ... الا اغار واحترق ... وزوجي كان يلاحظ ذلك لان مزاجي يتغير ... بعدها تعلمت ان تصرفي يقلل من ثقتي
بنفسي ... وبدأت اتصرف بطريقه تخلي زوجي يضحك بنفس الوقت تخلي اللي تطالع زوجي تموت قهر .. وودها تضربني بعد
اذا بغيت اتخلص من شيء يضايقني ... أسأل نفسي سؤال واحد : هل انا مستفيده شيء من هذا التصرف ؟؟؟
اذا الاجابة لا ... ابتعد عنه واريح بالي وقلبي ... واريح من حولي ...
واحذري : طريقه تخويفك لزوجك غير جيده ممكن تنقلب على راسك ... موفقه يالغاليه والله يحفظ لك زوجك ويسعدكم