منتدى عالم الأسرة والمجتمع - عرض مشاركة واحدة

13-09-2010, 12:43 AM

الورده زينب

موقوف

تاريخ التسجيل: Jun 2010

المشاركات: 379

ذكرتيني بـ موقف يا شوووبارد ..

لما كنت على ذمة طليقي ، كنا مره من المرات طالعيني حق منتزه ومستانسين وعين الله علينا

آنه ابتعدت شوي كنت رايحة مكان اقضي حاجة ..

رجعت وشفته يكلم وحده ويضحك وياها !

آآنه خلاص مية شيطان وشيطان يتنططون قدامي

رحت لها قلت لها : نعم ؟ اشتبين ؟ فيه معرفة سابقة ؟

ماعطيتها فرررصة عشان تتكلم اصلاً ..

وطليقي انحرررررج وسكت ونزل راسه ولو ما مسك اعصابه كان عطاني طراااق لأن الموقف كان محرج له

بس آنه ماقدرت امسك حالي ..

لما سألته من هذي البنت ؟

قال لي ... هذي وحده من الكستمر اللي يراودون مقر عمله بـ استمرار

وعطيته محاضرة طويله علريضة في الأدب والأخلاق والذوق والاسلام

وهذا سبب طلاقي منه " إطلاق بصره + كلامه مع البنات في المسن والفون و و و إلخ " بالإضافة إلى " غيرتي "

لأن آآنه غيوووووووووووورة غيوووووووووووورة وغيووووووووووورة

وغيرتي قاتله ، ومستحيل امسك نفسي

تلاقيني اعصب وازززفه ومرات توصل فيني واقول له " آآآنه اكررررررررهك على كل اللي تسويه فيني "

واحياناً اقول له " اتمناك تموت عشان ارتاح "

خصوصاً آخر أيامي معاه خلاص استنفذت كل قوووواتي العصبيييييييييية

لـ درجة كان عادي عندي إن اقط وارمي عليه اي شي بـ يدي

لأن نفذذذ صبري معاه من حركاته الصبيانيه

ومع الأسف ماكان عندي لا صبر ولا هدوووء كنت جداً غيورة وعصبية

فـ احذري من غيررررررررتج لا تدمرج اختي

وعسى ربي يوفقج