عزيزتي انا مثلك مريت بهالمشكلة ... وحينها تأثرت نفسيتي فيوم اشوف اي اخت في مشكلة .. ينشغل بالي وتفكيري
بمشكلتها واناقش زوجي علشان نبحث لها عن حل .. يتعكر مزاجي ونفسيتي تتعب واحيانا ابكي من قلبي ... فزوجي
عطاني الحل فديته ... وبعدها الحمد لله انحلت مشكلتي ..

والحل كان كالآتي :

اولا :

زوجي قال لي : لا تفكرين بالمشكلة ولا تتضايقين لها لانك تسمعين من طرف واحد بس ... وما تعرفين الحقيقه ..
واذا تبين تشاركين ... شاركي بنصيحه او تجربة ناجحه او دعاء ...وتأكدي ان في لحظة الغضب طبيعي تبدأ الاساءة
وطرح المعاناة لكن اذا تراضوا الزوجين وانحلت المشكلة غالبا تختفي العضوة حتى بدون رد ...

ثانيا :

خذي فترة راحه من المنتدى والكمبيوتر مدة يومين إلى 3 أيام كل اسبوع .. وانشغلي بامور ثانية ... والحمد لله من بديت
اطبق الفكرة هذي ... ارتحت واااااااايد ...وآخذ فترة الراحه في الاجازه وانشغل مع زوجي وعيالي واعمالي ..

ثالثا :

لا تتناقشين مع زوجك في مشاكل ومواضيع المنتدى الا المفيد والجميل منها ...



فاتركي عنك الوساوس والشك حبيبتي ... لانك اكيد عارفه انها ما بتجيب لك الا المشاكل وعوار الراس ... وتذكري ان
بعض الظن اثـــــــــــــــــــــــــــــــــــــــم ... فلا تعكري حياتكم بأشياء ممكن تكون غير واقعيه او حقيقية احيانا ..

وربي يحفظكم ويسعدكم