اعطوني الكمامة وقالوا خذي نفس ذكرت الله وبدأت ادعي ماشعرت بالدنيا وفقدت الوعي وفقت وانا في الغرفة حق الافاقة والكمامة وجهاز الضغط مركبين وماعرفت اش صارلي الا بعد ثواني اتذكرت اني هنا و..و...و.. كانت الممرضه حنونة وتربت علي..وطبعا صحيت ارتجف ضعف قبل البنج وانتفض بشكل رهيب وما اقدر حتى اضبط نفسي ..طلبت غطا وغطوني لكن ماهم مقتنعين ان اغطيتهم خفيفة ...رحمت كل فقير جايع وماعنده غطا يدفيه لان الاكل يدفي زي الغطا ...حمدت الله على نعمه علي دخلت الد. اماني وانا في غرفة الافاقة وقالت لي حمدا لله على سلامتك يا زهور ..ايضا قالت انو سحبنا البويضات وكانوا مع البويضات الصغيرة 13 بس للاسف كلهم اكياس فاضيه عدا سبعه بس هما الي بويضات ...طبعا الكمامة على فمي حمدت الله وقلت رضيت يارب بقدرك طبعا كانت الصدمة الثانية بعد صدمة عينة زوجي(لاني نسيت اني اقول انهم بعد ما اعطاهم العينة طلبوا ثانيه لانهم قالوا ان كل الحيوانات ميتة )وقالت اتأكدنا من المبيض اليسار مش موجود ...حمدت الله واسترجعت ...غمضت عيني ودعوت الله ان يبارك لي في ال7 البويضات ورددت رضيت يارب بقضائك وقدرك

فحمداً لله على قدرهـ....


سحبوني لغرفتي ودخلت استقبلني زوجي ولما شافني ارتجف رحمني وصار يفرك رجولي يبغى يدفيني بأي شكل طلبهم غطا وصرت مغطاة بثلاثه اغطية غير الشرشف وحسيت بنوع من الدفء وكنت ممغوصه مغص زي الدورة واخذت نومة بسيطة وصحيت احسن شوية ولقيتهم جابوا الاكل رغم مغصي وتعبي قمت آكل عشان أدفأ شوي لان البرد ذبحني وحسيت اني قصرت بحق نفسي لما دخلت السحب مجهدة ومانمت ...

جاءت الدكتورة اماني وتطمنت علي وسألتها على عينة زوجي وكنت قلقانة ...فخرجت ورجعت وطمنتنتي ان العينة الثانيه دائما افضل من الاولى بتكون الحيوانات افضل ...الله يجزاها خير كانت مريحة لي ومتعاونة ...

اخذت الادوية ورحت البيت متعبة حاولت انام بس كنت مو قادرة استغرق بالنوم وقمت عشان اولادي من الصبح مهملين عند التلفزيون ..

قررنا ثاني يوم نروح لاهل زوجي عشان مايلاحظوا اختفائي ايام الارجاع ...وبالفعل اتجهزنا ورحنا لاني صحيت وانا احسن من بعد السحب ...وحصل موقف وانا جالسه مع ام زوجي كالعادة فتحت موضوع الحمل فقالت كلامها المعروف بانو الافضل ماتتأخروا وانو و انو وهي ياقلبي من حرصها على مصلحتنا ...وقالت انو فلانه حامل ...انا خلاص ضقت ..بلعت ريقي فشعرت بصعوبة اثناء بلعه والم في عضلات الفك والبلعوم (وهذا اشعر به بعد كل عمية سحب بسبب البنج اعتقد انهم يدخلوا حاجة بالحلق وقت البنج امكن حق التنفس الله اعلم )اللحظة هذي وام زوجي تكلمني واحساسي بالالم اتذكرت عملية السحب امس وتعبي الشديد وقلت بنفسي ام زوجي تنصحني بالحمل ماتدري اني امس بين الحياة والموت مايدري عني الا الله وزوجي ..لو تدري مافاتحتني بالحمل !!!لكن الحمدلله اولا واخير ..


ثاني يوم رحت لاهلي كمان عشان لا يلاحظوا اختفائي ايام الارجاع ...
جاء يوم الارجاع وكان اليوم الرابع بعد السحب رحت وحدي للمركز واخذ زوجي الاولاد للملاهي ودخلت وحدي وكنت افكر هل بيقولون ماتلقحت البويضات ...ولما رحت وسألتني عن اسمي ولقيت ملفي عالاستقبال مجهز فقلت الحمدلله اتلقحت البويضات دخلوني غرفتي وحطولي الاساور صليت ركعتين وبدلت ملابسي وطلبت مصحف لكن بسرعه ودوني لغرفة ارجاع الاجنة وكنت شاربة موية عشان المثانة تكون مليانة ..بصراحة اكره الارجاع مزعج لأنه مثل الكشف النسائي والمثانة ممتلئة يصبح مزعج اكثر ..بس الحمدلله


دخلت الدكتورة اماني وهما يجهزوني واخبرتني بأنو بسبب عينة زوجي السيئة ماتلقح من البويضات الـ7 الا اثنين واحدة فقط درجة اولى ..!!!والثانية من 2الى 3 ..كان كلامها وكأنها ترفع معنوياتي وماتيأسني انا مايأست بس ما اخفيكم صدمت ..ورددت الحمدلله الحمدلله رضيت بقدرك يا الله ..

فحمداً لله على قدرهـ


تم الارجاع وودوني لغرفتي واستودعت الله اجنتي سمحولي بعد نص ساعه اذهب للتواليت لكن فضلت اتحمل واخذت المصحف وقرأت سورة البقرة كاملة ووانا ادافع الالم بسبب امتلاء المثانة نمت شويه وصحيت عالالم شديد فتحركت بهدوء وذهبت للتواليت (اعزكم الله )وكنت اتبول (اعزكم الله )وانا اتألم بشدة واحس بنواغيز تقطّع اسفل بطني ...لكن احتسبت ذلك عند الله ورحت لسريري بهدوء وارتحت كان نفسي يتقطع ..واسترخيت ودعوت الله واخذت غفوة ولقيتهم جابوا الاكل ..اكلت واسترخيت وجاء الدكتور ووارشدني لايام الارجاع من ناحية الحركة والراحة واعطاني ورقة تحليل الحمل وكانت بعد 13 يوم من الارجاع ...وطلبت منه يكتب لي علاج للغازات


لا اعلم جاء بنفسي انها بويضة وحدة كيف بيصير تحليل الحمل لكن طردت هالوسواس
وجاء زوجي وخرجنا ولم اجلس اكثر من 3 ساعات بالمركز وهذي اقصر مدة امكثها بعد الارجاع في المركز ...عرضت علي الممرضه عربية توصلني للسيارة فرفضت ونزلت بهدوء جلست في المقعد الامامي بعكس كل المرات انام بالخلف متمددة بالسيارة ..ارخيت المقعد للخلف واخذنا دواء الغازات من الصيدليه ورحت البيت ..


خفت على الاجنة لاني اهتمامي اقل من كل مرة لا اعلم لماذا ...هكذا حصل ليس عمدا ..والسيارة اهتزت ..لكن طمأنت نفسي بأن رحمي أأمن للاجنة من المختبر وهم ينقلونها وكانت هذه الفكرة تطمئني كل ماقلقت ...

وقت النوم اول يوم جائني مغص وغازات وتعبت وتألمت ..والاولاد يلعبون ويضحكون فأخذهم زوجي ونام معهم بغرفتهم ونمت وحدي ادعوا وا اقرأ الى ان نمت ..

الحمدلله

طريقتي في البيت هذه المرة بعد الارجاع اختلفت عن كل مرة سابقه ...افصلها للفائدة..
اولا ..كنت اتحرك بهدوءولم اكون منسدحة طوال الوقت كنت انتقل من غرفتي(عالسرير) للصاله (عالصوفا)وانسدح ولكن بهدووووووء

ثانيا من ثاني يوم ساعدت ابنائي بأخذ الشور يعني جهزت لهم الملابس والمنشفة والموية الدافئة و.....وكل هذا بهدوووووووء

واجهز لنفسي شاي النعناع بهدوووووووء

ثالثا كان الاكل من السوق لكن كنت انا اجهز السفرة وانا جالسة وكل شيء جنبي وكل شيء بهدوووء
رابعا اكثرت جدا من شرب الماء والفانتا والسفن وكنت اروح للتواليت كثير اعزكم الله ...



جاء يوم العزومة ...كنت جهزت ملابسي انا واولادي من قبل بيوم كويتها وانا جالسة بهدوووووء وجهزت الاكسسوار والشنطة وكل شيء يهدوووء

يوم العزومة كان اليوم الـ8 من الارجاع اخذت الشور بهدوووء وسشورت شعري ولبست على فترات متقطعه وبهدووووء وكنت بين كل عمل وآخر ارتاح عالسرير وساعدت اولادي لدرجة ساعدتهم بالاستحمام وتوكلنا على الله ورحنا ...


وقت العشا بالاستراحة أخاف احد يطلب مني احمل معه الصحون لانها كانت كبيرة ومليانة وكثير يعني بشيلهم اكثر من مرة ...وخفت انحرج لو رفضت ويحسون ...فقمت هربت للحمام اكرمكم الله وجلست حابسة نفسي وقت وانا حزينة واتقطع على نفسي ...وبعدها خرجت ورحت للمطبخ اجهز الحلا والسلطات ..
وكان يومها نفسي قصير ولاحظت اني متعبة من اقل مجهود وما اعرف لية وخفت احد يلاحظ ...


انتهى اليوم وعدت للبيت ..ونمت وانا حزنانة على كل لحظة كنت اخفي مشاعري فيها لكن الحمدلله ...

ثاني يوم بالظهر اتصلت امي تعاتبني انو انا صار لي اسبوع مازرتهم ...رخيت السماعه وبكيييييت وزوجي جنبي ساكت مو عارف اش يقول او يسوي ...قلت له سبحان الله الواحد احيان يلوم قريب او صديق على موقف او تقصير وهو مايدري انه معذور ظروفة فوق مانتصورها وعنده الي يمنعه من ذكرها ...وقلت له انت بذلت كل جهد عشان تنجح المحاولة لكن بالنهاية نجحت او فشلت انا من الان اقولك راااااااااضية بالنتيجة وقلت له انت تعبت كثير عشان تريحني وشكرته كثير وكان موقف مؤثر


اليوم الـ9 من الارجاع طلب زوجي ان المادرس بتبدا خلاص خلينا نروح مع الاولاد الملاهي لانهم محبوسين بالبيت فاعتذرت اني اروح فقال لي تعالي ومابيصير الا كل خير وربي كريم . .. لليوم ما اعرف كيف وافقت ...استودعت الله الاجنة ورحت وكل شيء كاااااان بهدووووووووووء واغلب وقتي جالسة تعشينا ورجعنا ....


اليوم العاشر وال11 صرت اتحرك بشكل اكثر حرية من اول ...وكنت ما اشعر بأي عوارض من مغص وما شابه ...لان كل محاولاتي الي نجحت والي فشلت احس بمغص الدورة وهالمرة ما اشعر بشيء ابداااا وهذا الشيء زاد شعور الفشل لكن استمريت اخذ بالاسباب من قراءة القرآن والدعاء وهنا اقدم النصيحة الرابعه لكل اخت لا تفكر بأعراض ما بعد الارجاع لأن لكل امرأة حالتها الخاصة بجسدها ولكل محاولة ظروفها مع نفس المرأة ...