السلام عليكم
اخواني و اخواتي عندي مشكلة و يا ليت تساعدوني في حلها
صديقة اختي جابت لاختي عريس و عطتها صفاته و معلومات عنه ناقصة، اختي ما كانت متحمسة لكني
شجعتها و الله الشاهد. كل مرة تستخير سبحان الله ما ترتاح و كنت أقولها معليه استخيري ثاني و ثالث ما
تدرين يمكن الضيقة تروح و قمت أقولها تخيلي نفسك عروس و في بيتك و عندك عيال و من هالكلام و
تسمعين كلام حلو من زوجك اللي بيكون سند لك في هالزمن و في كبرك و أزيد عليها من كلام الترغيب.
هي تتحمس و استخارت مرررررات كثيرة لكن سبحان الله ما ارتاحت و لا شرح ربي صدرها و قالت شكله مب
نصيبي و لا أنا نصيبه. قلت أجل اتصلي بصديقتك و بلغيها تكلمهم و الله يعوضكم اثنينكم.
الأمر الجديد إنه أمــــس فقط درينا عن اسمه و فصله و شوية معلومات إضافية عنه و إلا طول فترة السابقة ما علمتنا صديقتها عنه
إلا بالقليل و كانت جدا بخيلة، تعطينا المعلومات بالقطااارة. ما علينا، المهم صديقتها قالت الولد و أهله ناوين
يجون تعارف و يخطبون، لكن هذا الشي جدا صعب لأن من عاداتنا و تقاليدنا - اللي أعترف ما أنزل الله بها من
سلطان - تمنع مناسبتنا لأهل الولد. و لو يجون أهله ممكن أهلي يشكون في اختي إنه تعرفه من قبل!
يعني جيته قد يكون فيها إساءة لسمعة اختي لا سمح الله و أيضا اساءة لهم. غير كذا لا الوالد و لا اخواني
و لا حتى جماعتنا للأسف ما يرضون بهالشي و راح يسوون هولليله في البيت و يستجوبونهم مين دلكم و ليه جايين و
أسئلة محرجة ما لها أي داعي. أعتقد أهله عارفين عاداتنا الغثيثة لكن وش نسوي، غير كذا شي مو طيب
في حقهم إذا أبوي غلط عليهم بكلمة هم يفهموها تكبر و رفعة خشم و غرور و هي في النهاية عادات.
ما أقول إلا عسى ربي يوفق اختي و إياه و يرزقهم من فضله و يعوضهم خير. و يزوجهم من خيرة عبيدة و إماءه. و يكتب لهم الخير في الدنيا و الآخرة، اللهم آمين.
اختي يعني لسببين ما ارتاحت، هل تتوقعون لو نخبر صديقة اختي تعتذر منهم يتفهمون؟