خيانه ثم طلاق
طلع شك زوجتك بمحله
كانت تخاف وتشك فيك مو من فراغ والدليل انك رحت تتعرف على وحده ثانيه وتكلمها وتريد الزواج منها
ثم تسأل هل مافعلته زوجتك من طلب الطلاق حرام او حلال...؟
اسألك انا
وهل مافعلته انت من مكالمة امرأه غريبه عليك حلال ولا حرام...؟
هل خيانتك لزوجتك حرام او حلال...؟
هل تفريقك لأولادك عن امهم من اجل شهواتك حلال او حرام...؟
هل استفزازك لزوجتك عيني عينك حرام ولا حلال...؟
هل لما فشلت زوجتك وكسرتها عند كل قريب وغريب سمع بقصتك حلال ولا حرام...؟
كنت مبسوط وتحب زوجتك وتموت فيها جميله وموظفه وتحبك بس مشكلتها عصبيه ومافي احد كامل
ولما سافرت لم تغض بصرك وتخلص شغلك وتعود لزوجتك وبيتك ...بل اطلقت العنان لبصرك وتعرفت على بنت
وحين رفض اهلها ..استمريت في مكالماتك لها ...اليس هذا قمة الخيانه والأستهانه بزوجتك وكرامتها
وحين ثارت لكرامتها كردة فعل اي امراه عندها كرامه ...استمريت حضرتك في اتباع شهواتك واصريت بكل علانيه وبكل استفزاز انك تريد الزواج ممن تهتافك وتعرفت عليها في الخارج
اي منطق هذا ياناس...اي منطق يارجل
وفوق هذا تبيها ترجع لك مع اصرارك على مانت عليه
ليش هل بنات الناس لعبه عندك...
زوجتك لن تعود لانها بنت ناس....والموضوع ليس زواج من اخرى ...الموضوع خيانه ومكالمات
هل في زوجه ترضى زوجها يكلم بنت يحبها وعايش جو الرومانسيه والقصص الهنديه معها
ومعطيها من وقته واهتمامه كأنه مراهق
ثم يجي ويقول انا احبك يازوجتي ... يعني مادري انت بكامل قواك العقليه ولا تمزح مع احترامي لك
الحب ياخي فعل مو كلام الحفاظ على الزوجه والبيت والأولاد يحتاج الى رجل مسؤال عاقل لايتبع اهوائه وشهواته ويجري خلف البنات...والمكالمات
المرأه تحتاج الى رجل عنده احساس بالمسؤليه يبادلها احساس باحساس
يحفظها مثل ماتحفظها في غيابه وحضوره
وزوجتك ماشافت فعل ....شافت استفزاز وشافت رجل مراهق يكلم بنت ويغازلها ويبي يتزوجها
ويجي يقول ماقدر اطلقك احبك ... شين وقواة عين
باي منطق انت تتكلم
انت الان طحت من عين زوجتك.... بغض النظر عن حب وماحب
ذكرتني بوحده من زميلاتي في العمل
فاتورة هاتفها الثابت على بريد اهلها
وفي يوم كانت عند اهلها ...جاب اخوها الفاتروه كالعاده
ولما فتحت الفاتوره لقت رقم يتكرر والمكالمات طويله
فأخذت الرقم ودقت لقتها بنت.....وبعد حديث طويل عرفت من هذه البنت ان زوجها يكلمها وانهم متفقين على الزواج
صديقتي لم تتمالك اعصابها وسبت البنت وقالت انا زوجته وعندي طفله منه ... وهذا زوجي ماسمح لك تكلمينه..عيب عليك
البنت زعلت وراحت وكلمت الرجل وقالت زوجتك كلمتني وهزاتني ....الخ
ماذا تتوقعون موقف الرجل ...اكيد بيكون خايف من زوجته وخايف عليها لايصير فيها شي... وخايف على بيته وبنته ...هذي مشاعر اي رجل خاين
للكن للأسف اتصل على زوجته وقال ...اتصلي على حبيبتي واعتذري لها انتي خربتي بينا
تقول والله ماعلقت ولا قلت اي شي بل اغلقت الهاتف بوجهه لانه انسان معدوم من كل شي
وفوق هذا رفض يطلقها بحجة ( احبك وماستغني عنك)
وشد وحط لحد ماطلق عن طريق المحاكم
والان تزوجت رجل يخاف الله وحاشمها ومقدرها
مادري يعني لهدرجة مشاعر بنات الناس لعبه
حسبنا الله ونعم الوكيل
تبي نصيحتي قفل جوالك فتره
او غير رقمك راح تلقى ان علاقتك بالبنت مجرد نزوه وستجد ان مشاعرك للبنت مجرد سحابة صيف وانك رجعت لعقلك
وانك لاتريد الزواج من بنت غريبه من بلد اخر
وانك تريد زوجتك وبيتك واولادك
شيل من بالك بتزوجها بتزوجها لو ايش.. ...............الاصرار هذا ليشششش هل تعاند نفسك
مثل اللي مريض وطعم الدواء مر ويقول بشربه بشربه لو ايش
علاقتك بالبنت كانت مجرد تغيير قد يكون لشعورك بالملل او لانها اشبعت رغبات عاطفيه عندك بالكلام الحلو
لكن ليس من المنطق ان تطلب من زوجتك ان تتنازل عن خيانتك لها وعن رغبتك بالزواج عليها وعن رضوخك لطلبها بالطلاق
وعن استفزازك لها باصرارك على استمرارك مع بنت تهاتفها وتكلمها
اترك هذا الأمر
واعتذر لزوجتك عن فعلتك السوداء
اعتذر لانك اخطأت
وبعدها اطلب منها ان تعود
وحسسها بالامان المفقود
اما الان تصر على المرأه بالعوده وانت خائن
هذا لايجوز شرعا ولا عرفاً
ياخي تزوج اخرى اذا اردت بس بطريقه محترمه مافيها اهانه لزوجتك ولا فيها خيانه...
ولو انا مكان زوجتك كان مااااافكر ارجع لك حتى لو اقسمت اغلظ الأيمان انك ماتتزوج غيري ابدا
لانك يكفي انك خنتني واستهنت بمشاعري
على فكره هي مبسوطه الان لان الطلاق برد قلبها ولانها ارتاحت من شك سنوات طويله ثم خيانه وطلاق في النهايه
__________________
سبحان الله والحمدالله
التعديل الأخير تم بواسطة كل الاسامي ; 17-09-2010 الساعة 04:00 PM