اذكري الله عزيزتي فلا يتمنَ احدكم الموت .. فقولي الحمد لله على كل حال ...فكل لحظة تعيشينها فرصة علشان
تسوين الخير وتتقربين من الله وتكسبين الاجر ...
الله يعينك ويفرج همك ... واحيي فيك طيبة نيتك وقلبك ووقفتك مع زوجك ... وأجرك عند الله ما بيضيع ان شاء الله ..
شوفي حبيبتي اذا مشكلة زوجك انه يعاني من مشكلة جنسية فهناك علاج لمثل هذه الحالات ...فحاولي تقنعينه
بالعلاج بقليل من الجديه والصرامه ...لا تسكتين على حالته وخاصة انها قاعدة تأثر فيك وفي نفسيتك ...
والحمد لله انك تفوقتي في وظيفتك ... فهذا دليل قوتك ومثابرتك رغم ظروفك ... والآن أن الأوان لأن تستخدمي قوتك
في الوقوف امام زوجك وان توقظيه من سباته وتوضحين له مسئولياته وواجباته ... ولا مانع ان تشاركيه ولكن الجزء الاكبر
من مسئوليات الصرف في البيت لازم تكون عليه ... اما الصرف على اخته وعيالها ... فجزاك الله كل الخير على فعلك
ولكن نبهي زوجك ان الصرف على اختك من طيب اصلك ولكن مو واجبك لازم هو اللي يشيل مسئوليتهم مو انتي ..
يمكن يحس بالمسئولية لما يشوفك خفيتي إيدك عن مصاريف اخته وعيالها ..
الحل بإيدك يالغاليه ... زوجك محتاج تعاملينه بجديه ... واذا ما نفع معاه ... ما في أي مانع تقولين لأي احد كبير والدك مثلا
ان يحسسه بمسئوليته ... لا تقولين انك ما تبينهم يعرفون عن حالتك ... هذيل اهلك ومالك غيرهم بعد الله في وقت الشدة
يمكن زوجك لما يشوف وقفتهم معاك ... يبدأ يحس بالمسئولية ... اما معاملته وطريقة التعامل معاه ... فهذي محتاجة
دروس ونصائح وطريقه معينه .... الله يهديه ويصلح حاله ويفرج همك ويسعدك دنيا وآخره ... موفقه يالغــلا ..