منتدى عالم الأسرة والمجتمع - عرض مشاركة واحدة

30-09-2010, 04:10 PM

كناري البحرين

قلب المنتدى النابض

تاريخ التسجيل: Sep 2010

المشاركات: 1,016

اقتباس:

المشاركة الأصلية كتبت بواسطة asooooola

مساء الانوار حبيبتي همي داخل فمي ..

أنا فهمت احساسك .. لاني مريت بفترة اكتئاب ... و اظن انك تعانين من اكتئاب خفيف .. يمكن يتعالج بدون ادوية ..

لازم تعرفين شنو سبب اللاكتئاب .. انتي ذكرتين من اللي فهمته انك وحيدة في اسرتك .. الاخوات متزوجات و امك كبيرة يمكن ما تقدرون تتواصلون و تتحاورون .. انا اقول يمكن تعيشين في جو ممل في بيتكم و ما في احد يستوعبك ..او يمكن في اسباب ثانية اذا تعرفينها اذكريها ..

بالنسبة لوحدتك في بيتكم .. انا اختي في مثل عمرك 13 سنة و صارت وحيدة كلنا تزوجنا .. و هي اصغر وحدة في بيتنا كانت تتملل و تصيح و يصيدها اكتئاب خفيف .. بس لما كلمتها و قلت لها عن الاشياء اللي بقولها لك صارت واجد افضل ..

اكيد وجود اخوة في نفس السن له اثر كبير في حيوية الانسان .. لكن اذا ما كانوا بعد في ايجابيات اخرى ..

الحين انتين تقدرين تمارسين هواياتاك .. اشغلي وقتك بالرسم .. القراءة ... خياطة .. رياضة ..او اي شي تحبينه ..بس خليكي مرحة ..

و شي مهم جدا يا حبيبتي الصغيره ( انا اكلمك و احس و كاني اكلم اختي مريم ) اهتمي بالالوان .. دائما البس الوان الوردي الفاتح .. الابيض .. اصفر فلاش .. برتقالي .. الوان تبعث الفرح و السرور في النفس .. الصورة اللي خليتيها يم اسمك غيريها و خلي صورة فراشة .. او وردة ... او شمس ... شي فيه حيوية و نشاط و حب

..

اختيارك لحاجاتك كمان قرطاسيتك لون غرفتك كل شي خليه الوان جميلة و منعشة

اذا عندك مشكلة انك وحيدة و ما عندك اصدقاء ( انطوائية حسب كلامك ) مو مشكلة ... الحين خطوة حلوة انك شاركتي في منتدى .. واصلي و كوني لك صداقات واسعة في النت .. اظنه شي سهل بالنسبة للخجولين و الانطوائيين ان يبدأوا بالانترنت لانه يقلل من الخجل و التردد ..

لكن انتبهي الناس اللي تحسين يغلب عليهم طباع الحزن و الهم او على طول عندهم مشاكل يحكوا فيها لا تصادقيهم .. صادقي المرحين و الضحوكين .. هذا بيخلصك من طبع الحزن و التشاؤم .. لان الانسان يتاثر بجليسه ...

و كمان انتبهي من اللي تظنينه حب .. لانك في سن مليء بالعواطف و المشاعر .. تريدين توهبين الحب للعالم كله من فيضانه في قلبك

... انتي صغيرة .. خليكي تكبري و تختاري حبيبك عن عقل و تفكير و تجربة حتى ما تندمي ..

و بالنسبة للعواطف الفياضة اللي عندك .. كوني علاقة مع ربك دائما تكلمي معه و خليه حبيبك و صديقك و كل شي في قلبك .. و هو اكيد ما بيرفض صداقتك و حبك يا حلوة

اسفة على الاطالة ..

تحياتي

أختي الكريمة كلامك مختصر وشيق

كلام من تجارب علمية وضعتيها في قالب يناسب سن صاحبة المشكلة واسلوب ممتاز

1: إختيار الالوان
2: ممارسة الهوايات وتعددها
3: المرح والاستئناس
4: الابتعاد عن المتشائمين المحبطين ( مذكور في علم النفس ) واستبادلهم بالطموحين والمشجعين
5: الاتصال مع معز المؤمنين والخلق أجمعين وهو الله تبارك وتعالى

نعم هذه النقاط الانفة الذكر كافية ، وقد أصبتي الدواء على الداء

هل انت مدرسة أطفال ؟ أعتذر على هذا السؤال يا أختي الكريمة

ليتك تقبلي مني برحابة صدر ملاحظة ولك جزيل الشكر ، بالنسبة لفتح علاقات عن النت انا لا أتصور بانه نافع ولربما ضرره اكثر من نفعه ، بالخصوص مع هذه المرحلة وهذا السن بالتحديد

تقبل الله أعمالكم ووفقكم للسعادة في دار الدنيا والاخرة