مساء الخير يا قمرات

معلش غبت عنكم كتير

بس حقولكم اخبارى بعد ما ارد على بعض اللى فكراه من اللى قريته



اولا الف مليون مبروك يا نوار و ان شاء الله ربنا يثبتهولك و يفرحك بيه زرية صالحة
بس قولى الحق نفسك فى بنوتة ولا ولد تانى؟
ربنا يكرمك انتى و العاشقات بكل اللى تتمنوه يا رب



هالة الف مبروك على الحمل طمنينا على الهرمون بيرتفع ولا لأ؟
بس فى حاجة عاوزة اقولهالك على موضوع الاكتئاب دا
انا ليا واحدة صاحبتى عندها اكتئاب برضو و من عشرتى ليها سنين و سنين
قدرت استنتج ان سبب الاكتئاب اللى عندها انها بتركو على النكد اللى فى حياتها يعنى جوزى وحش معايا بس بتنسى انه اب ممتاز مع عيالها
شعرى بيقع عشان انا عندى اكتئاب و بتنسى عامل السن اللى طبيعى ان الشعر يخف فيه
حاجات كدة كتير
احنا بنبص على اللى مش معانا و نفضل زعلانين و ننسى نعمة ربنا اللى مديهالنا و فى ايدينا و منستمتعش بيها من كتر النكد
صحتى كويسة جوزى كويس معايا مدياتى متظبطة (حتى لو مش قوى احسن من غيرى كتيييييييييييير اللى عايشيين فى الشارع) عندى عيل ولا اتنين غيرى ربنا مكرموش بضفره شكلى حلو غيرى بيعملو عمليات تجميل
عارفة عندى نفس قادرة ادخله و اخرجه بسهولة غيرى محطوطين على اجهزة تتنفس
اسيب كل دا بقى و ابص على اللى بيضايقنى؟
صدقينى الاكتئاب دا فى وجهة نظرى شيطان محول نظرى عن الخير اللى انا فيه
اما بالنسبة للحمل و الادوية
انا اتقالتلى من دكتورة و انا حامل فى كريم ان كل شركات الادوية بتكتب انه غير مصرح للحوامل عشان يشترو دماغهم ان اى حد يقاضيهم
و كمان فى دكتور انا اتفرجت عليه بنفسى فى التليفزيون و قال انه من رحمة ربنا ان اول 8 اسابيع فى الحمل الادوية مش بتاثر على الجنين
و ان الادوية اللى خطيرة على الحمل هم 45 دوا و ان دكاترة النسا عارفاهم كويس و كمان اذا حالة الام مطراهم انهم ياخدوها بيدوها بجرعات متأثرش لعى الجنين
يعنى اتفائلى خير و افرحى بحملك ربنا يثبتهولك



ام يحيى حبيبتى
متبقيش حساسة قوى كدة
يعنى واحدة حملت لازم الكل يقولك عقبالك
طب عقبالك كدة معناه حاجة وحشة
انتى اللى فى دماغك انها حملت مرتين مش هم
دول اهلك و بيحبوكى انتى اللى موضوع الحمل دا ماثر على نفسيتك شوية
اما بقى عن موضوع الحمل مع التكيس انا طبعا مالياش خبرة فيه
بس على ما قريت ان اسهل حاجة فى مشاكل الحمل للنسا
يعنى ان شاء الله محلولة يا قمرة اعتقد حتحتاجى شوية تنشيط و ان شاء الله ربنا حيكرمك
مش دا احسن من اللى مش عارفين سبب منع الحمل عندهم ايه
ربنا يكرمك و يفرح قلبك يا رب


نيجى بقى لاخبارى
اولا النت كان مفصول عندى و لسة راجع من اسبوع تقريبا
و الاسبوع اللى فات
جرح القيصرية اللى فات كان شادد عليا و طبعا مخى بقى يودى و يجيب انه حيتفتح و انه و انه و كل الهسهس الوحش بس دلوقتى الحمد لله بخير انا رحت للدكتور و قالى ان الجرح مافهوش حاجة بس كان بيوجعنى من الشمال لقيت اليمين كمان بيوجعى و حاولت اكلم دكتورى لقيت انى نسيت رقم موبيله فى شنطتى فى مصر و حاولت اكلمه فى المستشفى كان صعب و حاولت اكلم دكتورى فى مصر مردش و دا اللى بيرد من تانى رنة او التالتة بالكتير حشيت ربنا بيقولى اشترى دماغك
فقررت اكبر دماغى و اسيب تكالى على الله و فعلا الام اختفى

و بعدها بكام يوم عملت بلانص طائر فى المطبخ نزلت على رجلى تحتى اتزحلقت فى نقطة ماية قعدت كام يوم رجلى وجعانى و الحمد لله بخير

فاضلى اسبوعين على نزولى لمصر و المفروض اشترى لبس كريم الشتوى و لبس البنوتة كمان طبعا دا لف كتير و جوزى عنده شغل كتير قوى الايام دى و مش فاضيلى
فبتكون النتيجة انى انزل معاه يوم نروح كذا حتة مع بعض عشان الحق اشترى اللى محتاجاه و طبعا برجع من اليوم دا محولة من كنر التعب لدرجة انى مش بعرف اتقلب على السرير
و على راى سعيد صالح "كل حاجة سليمة بس لوحدها"
و الحمد لله خلصت حاجات كتير قوى بس فاضل كام حاجة كدة ممكن يتلمو فى يوم كمان و خلاص


باقى البنات اللى كانت تعبانة و اللى و اللى انا لما بقرا المشاركات بدعيلكم فى وقتها
بس معلش اذا مكنتش ذكرت اسامى ناس كتير معلش الزهايمر شغال مش قادرة افتكر كل اللى قريته


بحبكم فى الله
و ربنا يفرح قلوبنا قريب قوى




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة