صديقتي ,, فيها غموض كيف افهمها ؟
السلام عليكم ورحمة الله وبركاته :
باختصار : أنا لي صديقة .. لاوالله مو صديقة .. بل توأم روحي وحياتي وحبيبتي أموت عليها ... بيني وبينها توافق عجيب ... تعرفت عليها ايام الجامعة بس مازالت علاقتنا مع بعض قوية واتصالات على طول .... هي طبعا كانت تدرس طب بشري .... وحاليا تشتغل طبيبة في قسم الباطنية ....
بصراحة كل شي فيها عجبني تفكيرها رأيها ذوقها ..... هي استاذي الاول في الحياة ,,,,
لكن ........ وحدة من قريباتي تشتغل ممرضة عندها في المستشفى .. ومرة قالتلي ...
صديقتك الله يهديها متبرجة .... تلبس كعب وبنطلون تحت اللابكوت ... ونقابها واسع .. وفوق كذا تكحل عيونها وتحط عدسات ,,,,
بعدها انا سألتها ,,,, وانكرت كل الكلام هذا بشدة ... وقالت ان البنت حجابها هو دليلها اذا كانت محترمة او لا ,,, ,,,,,, ومشيت الموضوع ,,,,
ولكن ,,, لاحظت عليها احيانا في كلامها ,,,,, << اصبحت تهون من موضوع المعاكسات بين الشباب والبنات اذاكانت مكالمات محترمة !!!!!,,,, وانه احيانا يكون وسيلة للتعرف على طبيعة الجنس الاخر أكثر واكثر ,,!!!!
وان البنت الذكية ماينخاف عليها ....
ودايما ,,,,, كل ما أكلمها تعتذر مني << لان الماسنجر يدق ,,,,, حاولت اعرف مين تكلم في الماسنجر ,,,, هي تقول انهم زميلاتها في العمل ,,,
والفترة الاخيرة صارت ماعاد تكلمني كثير زي اول ,,,
وقبل كم يوم فاتحتها بموضوع (المعاكسات ) وانكرت عليه بشدة ,,,, وانه قلت حيا ... والبنت الشريفة مستحيل تكلم اي رجل ايا كان !!!!
انا استغربت ... طيب وين كلامها اللي قبل ........ ما ادري يمكن تموه علي او تصلح غلطتها ,, عشان ماآخذ عنها فكرة سيئة ,,,,,,
ومرة قالت لي في دكتور عندها بالمستشفى أمه لبنانية ,,, وخطبها ووافقت عليه واهلها وافقو خلاص ... وزواجها مايطول ....
وقبل كم يوم سألتها متى موعد زواجك .......... قالت اي زواج !! اصلا هو ماخطبني ولا حاجة بس انا شكيت انه يبغاني !! بس طلع مايبغاني !
انا بصراحة عجزت افهمها ,,,, صار كلامها متناقض ,,, يعني تقول شي .. وبعدين اكلمها عنه بعد فترة ..... القى كلامها تغير تماما .... مع العلم انها اكبر مني ب 3 سنوات ,,,
صرت اشك فيها .... مع انها كانت قدوتي في كل شي .. بس حاليا صرت ماافهمها ابدا .........
لماقلت لامي عن موضوعها قالت : يمكن صارت تنسى وماتركز بكلامها عشان ضغوط العمل ...
(( وهي فعلا دايما تنسى ... مواقف كثيرة اذكرها بيها القاها ناسية تماما ))
انتم ايش رايكم ؟؟
__________________
بنفس القدر من الجهد نجعل أنفسنا أقوياء أو ضعفاء