.. الخاله ( جرين ) الله يعينك ..
.. مع اني مو مغتربه لكن افهم حالهم .. لانهم عايشين بمجمتع يختلف تماما عن مجتمعنا .. وعاداتهم وتقاليدهم ودينهم يختلف ..
.. يعني لو ابنك كان عايش ببلدك .. راح يكون تفكيره في اشياء وامور مختلفه تماما عن الحب والخطوبه ..
لانه حاليا عايش في مجتمع مفتوح .. وكل شيء عندهم فررييي .. غير اذا كان عايش بمجتمع بلدك .. بيحكمه الدين .. والتقاليد ..و المجتمع .. ونظره الناس .. وأمور أخرى ..
.. الصـــــــــراحه الله يعينك ..
.. لكن انتي طلعتي بحسنه وحده في هذا الامر .. وهو انه انتي الحلقه الاقوى في السلسله ..
قولي لي كيف ..
.. انتي الا أبنك جايين يخطبونه .. يعني بيدك كل شيء ..
.. لذلك أشترطي عليهم كل شيء ..
.. أشترطي .. الصلاه .. الحجاب .. اللبس الساتر ..نوع العلاقه الا راح تربطهم .. يعني خطوبه او ملكه او زواج ..
وتعرفي هذولا مراهقين .. وتحكمهم عواطفهم ..ورغباتهم ..
.. أشترطي كل شيء قبل الخطوبه .. يعني ما تصير الخطوبه الا والبنت خلاص تعلمت الصلاه وصارت فعلا تصلي ..
.. وتعرف ربها .. ولا تنسي القرآن .. أشترطي عليها اذا عندكم موجود مركز لتحفيظ القرآن .. أشترطي عليها تنضم له ..
.. أو أمها أو أنتي علموها القرآن .. وأشترطي .. انها تلبس لبس ساتر .. مثلا تي شيرت بكم طويل مع تنوره او بنطلون ..
اشترطي الحجاب .. ومو اي حجاب .. لا ممنوع يكون شعرها بره الحجاب .. يعني تغطيه كامل .. وبدون ميك أب ..
..فهميها انها رضت تكون خطيبه لابنها ..ولازم ترضى انها تكون زينتها بس لزوجها المستقبلي فقط ..
.. وقبل الخطوبه .. اعزيمها هي وابنك .. واجلسي كلميهم .. وفهميهم شنو هي حدود علاقتهم ..
وانه يا ويلهم اذا تعدوا هذه الحدود ..
..وأبنك أشترطي عليها اكمال الدراسه .. وانو ما في زواج بدون شهاده ..وانه راح يظل خاطب الى ان يحصل على الشهاده ..
.. وأنه يبدأ مشروعه .. ويعطي المشروع حقه من الوقت .. وابنك طبعا راح يكون مشغول بمشروعه ودراسته ..
.. وراح يقل وقت لقائه بخطيبته ..( شغل حماوات ) خخخخ
.. واشترطتي انه تكون لقائاتهم عندك في البيت .. وتكون في الصاله ..وانه وقت ما يحبوا يطلعوا يغيروا جو لحالهم ..
.. ياخذوا الاذن منك .. وممكن بمرات تكوني معهم ..
.. وممنوع البنت تبات عندكم بالبيت او تتأخر بالليل في بيتكم .. حددي لهم وقت من الحين ..
.. والأهم انك تسئلي عن البنت جيدا .. بمدرستها .. بكل مكان .. وعن اهلها .. وحتى عن اهلها بلبنان اسئلي .. وهذا من حقك ..
.. شفتي انه انتي الحلقه الاقوى بهذا الموضوع كله .. وانه بيدك كل شيء ..وهذا ابنك امانه عندك .. لازم تحافظي عليه ..
.. اما عن الزياره لاهل العروس .. زوريهم .. وخليها زيارة رسميه او زياره تعارف ..ولا تتكملي عن موضوع الخطبه .. الا اذا عرفتي شو راح تتشرطي عليهم .... ولازم يعرفوا كل شروطك ..
حطي الشروط الا تناسبك .. والا راح تكون في مصلحه ابنك اولا ومصلحه البنت ..
.. ولاتنسي تخبرينا بآخر مستجداتك مع المعرس الصغير ..
__________________
.. كــونوا أحــرار في دنيــاكم ..
التعديل الأخير تم بواسطة Ms. Blue ; 06-10-2010 الساعة 11:07 AM