صباح الخير يا قمرات

يا رب يكون الكل بخير


هالة الف مبروك على تصاعد الهرمون خلى بالك من نفسك بقك و تفائلى بالحياة الحلوة اللى ربنا كرمك بيها


الزرافة ان شاء الله تكونى حامل و تفرحينا


فلفولة الحباية مش معناها ابدا الدورة ان شاء الله خير يا قمرة



اما كريستالا و مرميس و حكايتهم اللى فقعت دمى
نبتدى الاول بكريستالا


يا قمرة مافيش اى وجه مقارنة بين عدم دخولك الجامعة اللى هو مش نصيب و قدر مكتوب و ذى الحمل اللى مش بايدنا خاااااااااااااالص و رزق من عند ربنا
الناس ولاد لاذينة مش بيسيبو اى حد فى حاله
بس عارفة انا معاكى ان المشكلة فينا مش فى الناس
"مالك يا فرعون متفرعن قال ملقتش حد يلمنى"
اهو الناس دى مش لاقية حد يلمها

اكمل كلامى لمرميس و هو هو باقى كلامى لكريستالا
مرميس يا حياة قلبى انتى عبيطة؟
كدة يخلوكى بونبوناية القاعدة؟
يعنى تسليتهم
مش هم بيقولو انك عصبية عشان موضوع الحمل
ماشى انا مش عصبية يا جماعة انا مجنوووووووووونة اوعو وشوكو منى بقى
الست اللى قعدت تلت معاكى فى الكلام
كنتى وش كدة قلتلها اعتقد ان دا موضوع خاص جدا بيا و بين جوزى و غير قابل للمناقشة برا حيطان بيتى
حيقولو اه ردت كدة عشان يا حرام عصبية من موضوع الحمل
ماهم كدة كدة بيقولو على الاقل كنتى خرستيهم مرة و ارتاحتى باقى المرات
عارفة بعد كدة فى كل تجمع حيكون موضوع الحقلة عن حمل الاخت مرميس او ام خالد اللى مسمية نفسها ام خالد
بجد ناس عجيبة
الواحد لا يجرؤ يقول لاى واحدة او واحد متجوزيين و محملوش مافيش حاجة جاية فى السكة!!!!!!!!!!!!!!!!!!
2 متجوزيين و مخلفوش بعد فترة من الجواز
مافيش غير حلين:
1- مش عاوزيين دلوقتى
2- ربنا مأرادش
و الاتنين مش موضوع يتدخل فيه الناس دا شأن عائلى خاااااااااااااااااص جدا
يتكلم فيه بس الزوجين داخل حيطان بيتهم
مش الجارات و الحبايب و القرايب و الاصحاب


مش عارفة لما بسمع الكلام دا بحس انى عاوزة الم شباشب الجزامة عندى و اقعد احدف بيها الناس العجيبة دى


نصيحة يا بنات اى حد عجيب يفتح معاكو الموضوع بالسخافة دى يستاهل منكم انكم تاكلو مصارينه وش كدة ولا تاخذكم بيه رحمة ولا هوادة "عربى فصحى اهو" بجد يا روح ما بعدك روح

ربنا يهدينا جميعا و يبعد عنا الشر



جنى قصتك سبحان الله
بجد كنتى لازم تقوليها من زماااااااااااااااااااان و تكتبيها كمان فى كل منتديات التأخير لانها فيها عبرة حلوة قوى
الحمد لله على ابتلاء ربنا لينا الحمد لله

و فى مثل مصرى بيقول
"اللى يشوف بلاوى غيره تهون عليه بلوته"
ربنا يبعد عننا الشر جميعا يا رب




باقى البنات و اللى مجاش اسمهم فى محضر الجلسة
انتو عارفين انى بحبكم كلكم و ربنا يكرمكم جميعا يا رب




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة