صباح الفل يا قمرات


يا رب يكون الكل بخير


ابتدى منين النهاردة

الليستة طويلة


طيب حخدكم بالدور


زهورة ربنا يكرمك و يقومك بالف سلامة يا رب
و حاضر انا شكلى مقضياها الايام دى عصبية فتابعينى الايام اللى جاية و حتقضيها ضحك
بس حاسبى يقولو عليكى مجنونة
انا ماليش دعوة


فلفولة حبيتى
بصى يا قمرة

لو عملتى سيرش فى النت حتلاقى تشابه اعراض الدورة مع اول اعراض الحمل
مافيش حاجة تقدر تقولك دا حمل ولا دورة و اذا فاضلها يومين ذى ما بتقولى
ليه منعش اليومين دول متعلقين بامل ربنا الكبير انها مش دورة او على الاقل لسة مش متاكدين مش يمكن ربنا يكرمنا و نفرح يبقى قضينا كام يوم نكد بدل ما نقضى 9 شهور فرحة
ربنا يرزقك و يفرحك يا رب



دودى
مش عارفة اقولك ايه؟
ليه انتى حاطة فى دماغك الموضوع دا
و بعدين قريبك اللى اتجوز على مراته ملهوش علاقة بانه انسان طيب و كويس لأ ليه علاقة بمقهومه فى الحياة و معتقداته
يعنى انا طيب و كويس و حتجوز 4 عادى جدا
انتى عشان تطمنى نفسك جوزك هى دى معتقداته؟
يعنى اللى ممكن يتجوز اكتر من واحدة فى الاغلب بيكون مش موضوع الحمل هو السبب لأ بيكون طفاسة و بيحللها باى سبب
عاوز اجيب عيال
اصلها بقت مهتمة بالعيال اكتر منى
مبقتش شكلها حلو ذى الاول
مش حاسس انى بحبها
عيانة
يووووووووووووه تعددت الاسباب و الزواج واحد
استهدى بالله و اعيدى التفكير فى جوزك هو ممكن يعمل ايه و ميعملش ايه
و اعتقد ان اللى خلاكلا تفكرى فى الموضوع دا هو قريبك


شوشووووووووووووووووووووو
بيب بيب شوشو بيب بيب شوشو
ايه الجمال دة؟
نويتى تشمرى عن ساعديكى و تلطشى فى الناس
يالا شدى حيلك بجد اللى حتلطشيه يستاهل و صفريلى و انا اجى الطش معاكى


ماريا

مافيش اى مضايقة خالص
الغرض من تجمعنا الاستفادة من تجاربنا
بصى يا سيتى
انا الاول حملت بحقن مجهرى و المرة اللى بعدها "سبحان الله" حملت طبيعيى ازااااااااااااااى معرفش
لان فعلا المشكلة عند جوزى و اخر تحليل بتاع الحقن كان عنده 7 مليون يعنى لسة كتير قوى على النسبة اللى اقدر احمل بيها طبيعى
بس ربك لما يريد
اما بالنسبة للهرمونات بتاعتك
ادى معدل النسبة الطبيعى ليهم
FSH 3-20
LH <7 للتحليل فى اليوم التالت
فمش عارفة اعتقد انه كويس ولا ايه؟
انا مش دكتورة طبعا بس انا دورت فى ويب سايت عن المعدلات و هو دا اللى كاتبينه



الزرافة
معلش خيرها فى غيرها
انا شايفة انك تحملى شوية تحاليل بالاتفاق مع الدكتورة تشوفى ايه اخبارك بعد الحمل و الولادة عشان تظبطتى نفسك للحقن تانى
و على جوزك مكانش موافق فى المرة الاولى و اقتنع عليكى و على تشغيل الزنانة
اقعدى زنى فوق ودانه لحد ما يوافق تانى
و ربنا يوفقك المرة دى بأذن الله



فى موضوع بقى عاوزة اقوله من كلام دودى و شوشو
خلاصة السنين بالنسبالى
اى غلط بيعملوه الرجالة فينا احنا السبب جنس الستات
لييييييييييييييييهظ
عشان احنا اللى بنربى مش الرجالة
بصو حواليكم كدة امهاتنا هى اللى بتربينا ولاد و بنات
فاى مفهوم غلط بيتعامل معانا بيه الرجالة السبب فيه اللى اتزرع من الامهات
يعنى احنا الجيل الجديد اللى مفروض نزرع فى يعالنا مفاهيم جديدة محترمة نطلع بيها رجالة يعرفو يحترمو الستات
مش يبقى اللى مراته فيها حاجة يبقى عادى انه يتجوز عليها و اللى جوزها فيه حاجة تبقى قليلة الاصل لما تفكر انها تتطلق عشان تتجوز غيره



باقى البنات بحبكم فى الله



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة