دودي يا بنت
صلي عالنبي ايش الافكار دي ؟؟ اتعوذي من الشيطان
بس تدري هذا التفكير دافع ليكي انك تنتبهي لزوجك اكثر
طبعا اقصد انه تنتبهي ما تنكدي عليه وتعيشيه بضيقه يعني حاولي قدر الامكان انك تفرفشي قدامه وما تبيني انك مضايقه وايدك بايده ان شاء الله الين ما ربي يرزقك عاجلا غير اجل
وفعلا كلام كوكار صح
انا اطالع حواليا كل اللي متزوجين مثني وثلاث ما بيكون السبب التاخر بالحمل ابدا
اكثر سبب سمعته ودايما بيتكرر انه الزوجه نكده والبيت ازعاج ما ارتتاح فيه بسبب كثرة العيال ! تخيلي؟؟
وكمان قصة انه زوجتي تجيب بنات ومش بتجيب الولد وهذي كمان لاحظتها

تعالي اقولك قصة ولد صاحبة ماما
شاب زي الفل ناجح بعمله ومتزوج بنت سكره
تحطيها على الجرح يطيب صوت واطي ووجه بشوش ومبتسم وست بيت شاطره وعندهم عيال اولاد وبنات
وبرضه اتزوج عليها
امي كلمت الولد خاصمته لانها مره تحب زوجته وقالتله هذي جوهره ما تلقى زيها
قالها يا خاله حقها محفوظ عالعين والراس
بس انا لما ادخل البيت ابغى اشوف زوجه وصديقه وحبيبه مش بس ام
ابغى اطلع وادخل معاها ابغى اسافر والف الدنيا معاها وهي ما ترضى تجي معايا ولا تجاريني على اساس انه السفر باب فتنه وكمان العيال ما ترضى تتركهم عند اهلها ..

شوفي الاعذار؟؟
ها ايش رايك؟
وازيدك من الشعر بيت
شرط على زوجته الجديده مافي عيال وبعد كم سنه صارت تترجاه يسمحلها تحمل ببيبي واحد ولما وافق اشترط بس واحد وسبحان الله الى الان ربي ما ارادلها الحمل لها فوق ال3 سنين ..

خذي دروس وعبر من الحياة وانتي تتعلمي وترتاحي ..


عشوقة الطفوله
يارب يا كريم يرزقك ربي من اوسع ابوابه وجميع المسلمات وفعلا الرد يمكن يسكت اللي قدامك ويحطله حدود بس المشكله طيبة القلب والادب الزايد بيمنع الواحد يرد والادب والطيبه مش بتخدم في المواقف اللي زي كذا

كوكار
كلامك درر وفعلا تعددت الاسباب والزواج واحد والشاهد الموقف اللي حكيتلكم عنه ..نادر جدا جدا لما يكون تاخر الحمل سبب الزواج الثاني..

الزرافه
ربي يخليلك لمار ويبعتلها اخت و اخو
بس انا ماني فاكره انتي بحملك بلمار كان حقن مجهري او مجرد تنشبط؟
اذا كان تنشيط كم اخذك مدة العلاج ؟
عموما
هي كم صار عمرها لمار ؟
اذا فعلا حابه تدخلي في رحلة العلاج وحاسه انك خلاص مستعده للتجربه ثاني توكلي على الله وفاتحي زوجك
بس الافضل اعملي كل التحاليل المطلوبه منك قبل ما تفاتحيه عشان ان شاء الله لما يقتنع على طول تباشري العلاج
واختاري وقت كويس في مناقشة زوجك بالموضوع وانتي ادرى بزوجك متى يكون مروق وربي يسهل امرك..

__________________