منتدى عالم الأسرة والمجتمع - عرض مشاركة واحدة

11-10-2010, 09:17 PM

Love Of Life

كبار شخصيات المنتدى

تاريخ التسجيل: Jun 2007

المشاركات: 1,344

انا ماني قاعده اشتكي من لغبطة جدولي اليومي

اطفالي الأثنين انيمهم الساعه 8 او اقصى حد لما ابوهم يكون موجود 9 لأنهم يقضوها لعب في لعب
طبعا قبل النوم الروتين المعتاد لبنتي هو تتعشى و بعدين تتحمم و بعدين اقرى لها قصه صغيره و هي بسريرها
اقرى لها الأذكار و هي تردد بعدين اقولها احبك وهي نفس الشي مع بوسه و حضن

اما اخوها ابو سبع شهور من كثر ما يزحف طول اليوم يكون تعباااان على الساعه 7,,
اعشيه و بعدين احممه و بعدين انيمه اني ارضعه و اغني له,,
الحمدلله ما هم مزعجين من ناحية النوم

زوجي على حسب شغله,,بس اغلب الأوقات من 3 الى 11
فلما العيال ينامو على 8,, ارجع انضف الي خربوه و اسوي العشا ليا و لزوجي
يجي زوجي الساعه 12 باليل,, احيانا استناه و احيانا اكون تعبااانه اتعشى و انام و هو يتعشى لحاله

في خلال الليل اقوم كل ساعتين ارضع و النوم متقطع و بعدين تقوم بنتي على الساعه 8 و الولد بعدها بساعه على صوتنا
افطرهم و البسهم و اخذهم على الحضانه المفتوحه,
و سموها مفتوحه لأنها مفتوحه للأمهات الي مثلي يجيبوا عيالهم و يقعدوا معاهم طول الفتره,, اطفالك على مسؤليتك
في الحضانه,, يا يرسموا او يلونوا او يقروا او يغنوا او يطلعو برى يلعبوا بألعابهم
اقعد انا مع الأمهات و الأباء و كلامنا بس عن الأطفال ,أكلهم, نومهم, مرضهم, الخ

احيانا لما يكون زوجي موجود ياخذهم هو على هناك
في هذه الفتره اروح على النادي الرياضي او على السوق اقضي مشترياتي الخاصه
-----------------------------------------------------------------------------

انا ابغى نغسي ترجعلي
اكون علاقات اجتماعيه مش عشان الناس عشان نفسي
ابغى اتكلم مع الناس بأشياء مفيده غير عن الأطفال

ما ادري كيف اشرح عشان تفهموا

بس بنفس الوقت انا مستمتعه مع اطفالي و مواقفهم و دائما اصور اي احداث مهمه صوره و فيديو
اول كلمه, اول سن, او مشيه, اول عيد ميلاد, احب الأشياء هذي و محتفظه بصورهم

تصدقوا
احس اني لو اتكلمت مع شخص مثقف او له درجه اجتماعيه عاليه,, ما راح اعرف ايش اتكلم مع الشخص
لأني بعيده عن الحياه اليوميه و الأخبار العاليه.. تلاقوني يمكن اسئله عندك عيال و كم عمرهم و الخ هههه
يعني شخصيتي اتغيرت تماما,, احس ثقافتي و روحي الأدبيه شويه شويه قاعده تختفي

__________________

الامومة هي ان تضحي بكل شيئ جميل ليكون في اطفالك الاجمل