مشكورين اخواني واخواتي على ردكم وتفاعلكم
وعدت اليكم بعد عدة مستجدات حصلت معي
وابي رايكم
جا عند اهلي واعتذر عن اللي حصل ووعد اهلي انه بيتغير وانه بيصوني ويحترمني وجا مع ابوة
ورجعوني بالرغم من عدم قبولي له وكرهي للرجوع اليه لكن مدري ليه ضعفت واستسلمت تحت الضغوطات
ويمكن لاني استخرت ربي
المهم رجعت معه
لكن في قلبي الكثير والكثير تجااهه
كارهته مش قادرة ان انسى كل مكان في البيت يذكرني بجرح او الم او مشكله حصلت بيني وبينه
كرهت البيت والغرفه وبالاكيد هو ماني طايقة منه ولا كلمه
تركني على راحتي
جلست في غرفه عيالي كارهه ادخل الغرفة
كارهه وجودي معه
مابيه اصرخ بداخلي واقول مابيك اكرهك وهو في نفس اللحظه يجلس يوعدني بانه راح يتغير
تمنيت بداخلي انه مايتغير ويظل زي ماهو عشان اقدر هالمره ارجع بدون مااحد يعترض وعشان يعرفون اني بالفعل مش قادرة اعيش معاه
وعدوني اهلي انه اذا كررها راح يطلقوني منه
مابي اضيع سنين من عمري اكثر من اللي ضيعته
ابي ابدى حياة جديده هادية من غير مشاكل ولا جراح ولا الام
ابي اعيش مع عيالي براحه
احس اني مصابه باكتئاب كل شوي ابكي
امشي وابكي اشتغل في اللبيت وابكي
عيالي ماصارو يستغربون دموعي من كثر ماابكي قدامهم
ادعولي تكفون ان الله يفرج همي