تعدد الزوجات علاج العنوسه ( ايها الرجل امنح السعاده لمن فقدها )
السلام عليكم ورحمة الله وبركاته
بسم الله وصلى الله وبارك على نبينا محمد وعلى اله وصحبه ومن تبعهم باحسان الى يوم الدين ..
اليوم ابطرح موضوع متأكد انه مايعجب اخواتنا .. الا من رحم ربي
والله يا اخواني ويا اخواتي التعدد هو حل العنووسه
لو كل رجال ميسور الحال تزوج ثنتين او ثلاث والله مانشوف عنوسه ابداً ..
ياخي الحبيب .. اذا راتبك عالي وامورك ميسره والحمدلله وقادر على الزواج من ثانيه بشرط ان تعدل فليش لا ..
والله اذا كان زواجك بنية ان تستر على البنت وترحمها من العنوسه ونظرة الناس لها فالله لا يحرمك الاجر
ابشر والله بالخير والرزق من الله عز وجل ..
وماني فاهم الحين يا اخواتي الكريمات ..
بعض الاخوات اذا سمعت من زوجها انه بيتزوج عليها تقول طلقني !! ولا تكرهه وتحاول تنتقم
ليه يا اختي عسى ماشر ان شاء ا لله ؟؟ اذا الرجال موفر لك بيت ومصروف وعادل بينكم ليش تطلين الطلاق ولا تكرهينه ؟؟
يا اختي تعلمي من امهات المؤمنين .. الرسول صلى الله عليه وسلم تعدد فالزوجات .. ماتحبين زوجك يقتدي بالرسول الكريم ؟
يا اختي الحبيبه زوجك اذا تزوج عليك هذا لايعني وجود خلل فيك وهذي النظره شائعه عندنا لا والله ابداً
انا اليوم بقول اشياء يمكن الزوج مايقدر يقوله لزوجته ..
يا اختي الرجل يبي يكثر ذريته يبي يكثر نسله يبي يشوف اعياله وش كثرهم شايلين اسمه ! ليش تمنعين ما احله الله يا اختي الكريمه ..الرجال فيه طاقه فيه رغبه للتغير ..
اذا كنتي فعلاً تحبين زوجك خليه يسوي الي يسعده .. وهذا الشيئ حلال ليش تمنعينه او تكدرين خاطره
ليش دائما تفكرين بالعاطفه فكري بالعقل بالشرع
يا اخي ما تحب ان تجدد شبابك ؟؟ وتكثر ذريتك ؟؟
ابحث عن المطلقه و العانس وتزوج على سنة الله ورسوله وجدد سعادتك وامنح السعاده لمن فقدها ..
اتمنى من كل انثى ترد الان ان توضح مصدر ازعاجها من هذا الموضوع
اختي جاوبيني بصراحه تامه ..لو زوجك تزوج عليك وعدل بينكم 100% هل تقبلين وانتي تعلمين ان سعادة زوجك بالتعدد