صلوا علا النبي ياإخوانا وأخواتنا الحاضرين اللهم صلي وسلم عليه تسليما كثيرا حنا ما نعترض علا التعدد أبد حاشا لله هاذا أمر منزل من عند مالك الملك في محكم كتابه الكريم ولاكن إعتراضنا علا الظلم وعدم العدل والمساواة بين الزوجات سواالأولى أوالثانيه فتجد بعض الأزواج يميل دائما إلى واحده منهم أناشخصياأعرف نساء أزواجهم معددين تجده متعلق بالثانيه لدرجة الجنون حتى ينسى إن له أسره ثانيه أوتجده يرجع للأولى طبعا قديمك نديمك فتجده ينسى الثانيه ويتجاهلها تماما ويعاملها هو وزوجته مثل الشغاله وتلقاه دايم يتأفف ويقول زواجي كان غلطه عمري ليش تزوجت مره ثانيه وتلقاه يعاملها بقساوه حتى هيه المسكينه تطق منه وتطلب الطلاق فأفضل شئ تكون عانس ولامطلقه بسبب أشباه الرجال فهذا ظلم وحرام تظلم بنات الناس معك ياإنك تكون رجال كفو وتحسن عشرة زوجاتك بلعدل والمساواة بينهم أوتترك التعدد للي أكفى منك بالذات في هاذا الوقت وهاذا الزمن الواحد حتى عياله يا الله يحسن تربيتهم التربيه السليمه فكيف لوصار عنده بيتين بعدين أنت أخوي طارح الموضوع تقول إن الرجل بحاجه لتجديد أحب أقول لك إن الزوجه ماهي ثوب ولاشماغ يغيره متى مابغى ولاهي سياره كل ماطاف موديلها يغير غيرها أخوي حنا نساء والرسول أوصاكم بالنساء خيرا أنا تضايقت من سالفة التجديد والتغير فحسيت إن الزوجه بعد وفائها وإخلاصها وتضحيتها مع زوجها يقول لها أنا بغير بجدد شبابي بتزوج ليه الرجال أعمارهم ثابته ماتزيد مافيه إلا الحريم كبروا وعجزوا خلاص أنت صرت خرده غير صالحه للإستخدام أنت مافهمت قصدك هل أنت مهتم بلقضاء علا العنوسه أوقصدك راحت أبناء جنسك من الرجال وتبغى بعض الرجال يطبق كلامك ويتزوج علا زوجته أخي نصيحه لك الدال علا الخيركفاعله فأعرف إن لو فيه شخص أخذ بنصيحتك وتزوج بالثانيه وظلم زوجته الأولى وأولاده أوظلم زوجته الثانيه فعليك وزر من ظلمه لأهل بيته لأنك تسببت وشجعت من توسوس له نفسه بالتعدد بالزواج فأتمنا إنك كتبت موضوع العدل بين الزوجات أوموضوعك شمل العدل والظلم في التعدد أخي لاتقول إني منحازه مع النساء ولعلمك أنا أكثر من مره أعرض علا زوجي زواجه من أخرى ولاكنه يرفض وأنامازلت مصره عليه والسبب إني أبغاه يتزوج علشان يجيب عيال أنا عندي منه خمس عيال بس عندي إثنين مصابين بمرض وراثي والباقين الحمدالله بخير علشان زواج الأقارب ودايما أطلب منه الزواج بأخرى علشان أبغى إخوان لعيالي بس هو رافض نهائيا يقول هاذا رزقي من عند رب العالمين وأنا راضي فيه إنسي موضوع الزواج نهائيا ولاتجيبي طاريه أبد أناماتزوجت من أول يوم جلست ثمان سنين ماعندي خلفه وبعد ما الله من عليه ورزقني بعيال أتزوج عليك مستحيل والحين أنا أقدر أخلف وأحمل بس خايفه يجوني عيال مرضى مثل الإثنين إللي قبلهم لأني أموت باليوم ألف مره وأنا أشوفهم قدامي خصوصا إن مرضهم تعب وإرهاق لأجسامهم النحيله ودايما يحتاجوا نقل دم فقلت خلاص أنا بسخر نفسي لخدمة أولادي وعلاجهم حتى الأطباء بنفسهم أكدوا لي بأنه إحتمال يجي بين كل أربعه عيال واحد مصاب بمرض إخوانه فحاولت في زوجي ولاكنه رافض ولاكني لم أيأس منه مازلت أحاول فيه لأني أعرف إنه رجل يستحق أن أضحي من أجله عرضت عليه عوانس ومطلقات وأرامل حتى عرضت عليه أرمله عندها أربعه عيال زوجها مات وماعندها عائل وأكبر عيالها تسع سنوات قلت له أكسب أجرهاهيه وعيالها وتزوجها فرفض وكان رده لي أعطيك فلوس ساعديها وأعطيها وشوفي ويش ناقصهم لا كن زواج لا مستحيل أتزوج خلاص أنا مرتاح كذا ومبسوط معاكم أنامقتنع بحياتي هاذا كان رده لي أنا أشوف لوكل الأزواج عدلوا بين زوجاتهم كان الحريم ما أعترضوا علا التعدد الحريم يشوفوا نماذج وصور من الظلم والإستبداد للمعددين بالذات في الوقت هاذا نادرا ماتلقى شخص عادل بين زوجاته فبعض المعددين هداهم الله أعطوا وجهة نظر وفكره غلط عن التعدد بتسلطهم وظلمهم وأسلوبهم بين الناس فهاذي الطريقه خلت النساء تكره التعددوتكره أي شئ فيه ذكر تعدد الزوجات ياأخي ياما رجال تزوجو وإنفلت الحبل علا الغارب يتأثر بعض الأشخاص حتى في دينهم أقسم لك بالله إني أعرف أسره الله منا عليها بلإستقراروأبوهم كان إمام مسجد ومدير مدرسه ومؤلف كتيبات ومطويات ماشاءالله عليه متزوج وعنده عيال فقام تزوج الثانيه والحمدالله علاقتهم الحريم حلوه وساكنين في بيت واحد بعد الحرمه الثانيه ماخلفت ماجاها عيال وكانت قبل كذا مطلقه المهم حياتهم مستقره وقام الزوج وتزوج ثالثه عاد هنا الطامه كان وقتهاقد تقلد منصب مدير أحد الجمعيات الخيريه بل وأكبرهافي المنطقه وكان له نشاطات دعويه حتى خارج البلادوأعمال خير كثيره المهم زوجته ما أمداهاتجلس معه شهر
إلا والرجال حالق اللحيه ومسبل الثوب وترك إمامة المسجد وربى شعوره كدش وقبلهاسافر معهاماليزيا شهر عسل ونسي عياله وزوجاته وبعدها قالت له لازم تطلق وحده من زوجاتك وأفضل شئ طلق زوجتك الثانيه لأنهاماعندها عيال وكان وقتها شرى بيت شقتين ويبغاهم يسكنوا هي والثانيه مع بعض بس رفضت وخلته يودي زوجته الثانيه عند أهلها ولطعها خمسه شهوروبعدها أرسل لهاورقة طلاقها فسبحان الله ربك مايرضى بالظلم والله إنهاتدعي عليه والله ماوفقه فصلوه من منصبه ومن وظائفه كلهايوم شافوا إن الرجال تغير صار يسمع أغاني ويشرب شيشه مع زوجته الجديده وأمها وسبحان الله والله إني كل ماأتذكر سالفته وأشوف بعض أعماله إن يعصرني الألم وأدعوالله أن يرده لدينه وأهله ردا جميلا وكل هاذا بسبب سؤ إختيار الزوجه وضعف قلب الرجل عند الأنثى بعض الرجال يبيع أمه وأبوه وأهله لرضاء زوجته فكيف مايبيع زوجته وعياله علشان زوجته الجديده ويظلمهم أشد ظلم إخواني الرجال هاذا مجرد مثال وأنامتأكده إنهم قله من هم أمثاله وهاذا خاص وليس بعام فأتمنى أن نرى نماذج تحترم العلاقات الزوجيه وتقدرها حتى تمسحوا صورة المعدد الظالم وتجعل زوجتك توافق علا التعدد بنفس راضيه لأنها تثق بزوجها إنه إن أحبها أكرمها وإن لم يحبها لم يهنها وأتمنى أخواني أن تعذروني علا الإطاله والدعاء لأولادي بالشفاء من مرضهم وجزاكم الله خير .