اقتباس:
المشاركة الأصلية كتبت بواسطة @ الباش مهندس @
يا اخواتي ..
علشان ما يصير للموضوع مثل غيره على قولة الاخوات .. وانا والله ما احب كثر الكلام خصوصاً اذا كان مامنه فائده
فخلونا نتناقش بموضوعيه بعيد عن العاطفه .. هل كلامي صحيح يا اخواتي ؟
هل تتكلمون من دافع الغيره .. يا اختي والله العظيم مو غلط المرءه تغار على زوجها .. انا منب رايح لازواجكم اكلمهم واقنعهم هههه
انا ابي رأيكم بس .. قناعتكم الداخليه .. ممكن انا اعرف انه هذا الموضوع صحيح لكن ما انفذه
على سبيل المثال اعرف ان التدخين مضر واقر انه مضر ولكن لا اقلع عنه لانها رغبتي الشخصيه ... ( اعذروني على المثال هذا اقرب شي جاء ببالي  )
نفس الشيئ اخواتنا ابي بس نقر ان الموضوع مفيد على الاقل لمن فاتها القطار ولكن لا تريدون ازواجكم يتزوجون علكيم لأن هذي رغبتكم الشخصيه وهذا لاينفي ابداً صحة الموضوع ..
علشان كذا مثل ماذكرت خلونا نتناقش بموضوعيه ..وخير الكلام ماقل ودل
على الاقل نطلع بفايده |
لا زالت قناعتي الداخلية نفسها اللي طرحتها بردي الاول .... الافضل انه الشخص المقتدر يعطي المال لشاب غير مقتدر ويعينه على الزواج حتى يكون الثواب والخير مضاعف ...
وما دام انك ما راح تجي تكلم زوجي وتقنعه بضرورة زواجه من الثانية والرابعة راح أقول لك سبب حدتي وكرهي لطرح هذا الموضوع .... الصراحة أحس انه رجالنا بذلوا طاقاتهم بغير موضعها واننا كأمة بحاجة لطاقات رجالنا في أمور كثير غير حل مشكلة العنوسة ...أمتنا حالتها حالة وديننا معرض للطعن بكل مكان وتركنا كل شيء ولحقنا نزواتنا ...
ترى الزواج أخي يحتاج أمور كثيرة غير المال والقوة الجنسية ....يحتاج انك تبذل من وقتك ومن جهدك للارشاد والتربية والمراعاة ... عندك استعداد تبذل ضعف الوقت اللي تبذله حاليا ببيتك الاول ؟؟؟؟ تقدر تستغني عن وقتك بالديوانية والاصحاب حتى توفر وقت لبيت ثاني ؟؟؟؟؟؟؟؟
مين أفضل ؟؟ تعطي هذي المسؤولية لشاب عنده الوقت وطولة البال لتربية الاطفال ومراعاة مزاج زوجةتتأثر بهرموناتها ومشاعرها اللي ربنا عززها فيها وللا لرجل عنده من المسؤوليات ما يكفي ؟؟؟
الظاهر انه الخلاف بينا بالنظرة للزواج الثاني ...انت تشوفه مصدر للسعادة وانا ماني قادرة أشوف منبع السعادة هذا...أشوف الزواج مسؤولية وتكليف من رب العالمين حتى نعمر الارض قبل ما يكون متعة .
التعديل الأخير تم بواسطة خاله بيتا ; 16-10-2010 الساعة 11:31 PM