أختي
فكري مع نفسك ؟ إذا تعلم ولدك و حفظ اللي تبغيه يحفظه
و في المقابل ، خسر شخصيته ؟ ثقته بنفسه ؟ حرمانه من طفولته ؟ عقد نفسية ؟
هل راح تنفعك الحروف اللي تعلمها ؟
تصدقي ؟ أمس جلست ألوم نفسي كثيييييييييييييييييير إني قسيت على ولدي
بس لإنه كان جالس يزن على راسي و لا شعوريا كنت بأفكر في شئ و قلت له ( نعم ) بنبرة عالية ؟
حزنت على شكله و هو متأثر .. و قمت حضنته و بسته
ولدي عمره 3 و نص ، و زوجي مثلك ، يعامله كأنه واحد عمره 20 سنة و أكثر
المشكلة يعلمه شئ و هو بنفسه يعمل الغلط هذا ؟
قررت من أمس إنه الضرب ممنوع بتاتا إلا في حالة وحدة ،.
إذا ( قل أدبه على أبوه لا سمح الله أو أي أحد كبير و زي كذا)
بس ولدي مؤدب ماشاء الله فليه ينضرب ..؟؟؟
و نحن عكسكم ، زوجي كان يضربه و يخاصمه و أنا أدلعه و أحن عليه و أتماسك أعصابي
لا شعوريا شفت نفسي بأصير مثل زوجي و أقسي على ولدي حبيبي
و أمس في الليل قررت إني ما راح أسمح بالضرب مرة ثانية
و قلت لزوجي ، الضرب للحيوانات ، حتى الحيوانات نتعامل معها برفق
و الضرب عمره ما كان أسلوب في التربية و هو أسلوب الناس الجهلاء ،،
هذا اللي قلته لزوجي اخر شئ ، لإني كنت أول ما أتدخل بينهم ، بس خلاص الولد شخصيته بتتأثر و نحن اللي بنجني عليه
أختي ، كل ما عاقبتي ولدك ، حطي عقاب لنفسك
اعملي جدول و كل ما ضربتيه حطي خط ، و نهاية اليوم عدي كم مرة ؟
عاقبي نفسك هذاك اليوم ،
تاني يوم نفس الشئ و تدريجيا راح تتغيري إن شاء الله
و كل ما قهرك ولدك ، حطي في كفة الميزان الفعل اللي عمله ولدك اللي بتعاقبيه علييه
و الكفة الثانية ( قلبك و اللي هو ولدك ) ؟ مين أغلى عندك ؟
وقتها راح تحسي إنه الشئ اللي عمله تافه جدا و ما يحتاج
مثلا ولدي مرة أخد العطر تبعي ( سعره غالي مرة و له ذكرى خاصة )
و لعب فيه و صار يرش بكل مكان ، زوجي ضربه
قال لي زوجي الحكاية هذه ، زعلت منه .. قلت له لييييه ؟
الغلط غلطي أنا .. لإني ما رفعتها بمكان عالي ، هو طفل ..
كيف راح يفهم إنه العطر هذا له مكانة عندي ؟ كيف راح يفهم إنه هذا عطر مو لعبة ؟
الطفل يبغى يقلد و يتعلم و يجرب ، و كيف راح يتعلم إذا ما جرب كل شئ ؟
و مو بالضرب نتعامل معه ، نجي نفهمه ،، إنه غلط ما يصير و نشرح له على قد مستوى عقله
دايما مبدأي في تربية ولدي ، خليييه يجرب و يتعلم من غلطه
بعد كذا أكلمه و أوضح له ، المهم في البداية أشبع فضوله و رغبته في الإستكشاف
و هو من حاله ثاني مرة ، بتشوفيه يجي يعلمني و يقول لي ( لأأأأ )
طولت عليك معليه
