ياعزيزتي أنا عندي حل لجارتك هاذي قولي لها تستنا إلين زوجها يطلع خارج البيت وتروح المطبخ تجمع كل الصحون إللي فيه وتحطها مقابل مدخل الباب بمسافة مترين وتجلس عندها وأول ماتسمع جيته يفك الباب بيدخل تقابله بأول صحن علا راسه طاخ طراخ وياالله الباقي وراها يمكن وحده من الضربات إللي علا راسه تفصل سلك العصبيه إللي فيه وترتاح زوجته هههههههه أمزح معك ياأختي لاتصدقين كلامي جارتك الله يعينها أنا بالنسبه لي ماعندي حل لعصبية الشيبان لأنهم ماتنفع معهم لاورده حمراء ولا صفرا ولا حفله ولا رومنسيه خصوصا إن الوضع مزمن وحالته مصتعصيه ماله علاج إلا تدعي ربها يحنن قلبه عليها ويهدي باله وقولي لجارتك تكثر لزوجها عصير الليمون تراه زين لمثل حالته يمكن يكسر فيوزه اللي ضاربه علا زوجته وبالنسبه للبس إللي حاطه الأخ والله ماعاد باقي إلا المقص والمشرط وتصير الوحده أفضل طبيبه جراحه ذكرني اللبس هاذا بغرفة العمليات الله يبعدها عنا وعنكم إن شاءالله وأنا بالنسبه لزوجي لوحصل شعره يشيلها ويسكت يواصل أكله ولا عمره قال غطي شعرك حتى دايما يجي بالمطبخ يساعدني وشعري مكشوف ماعمره تكلم بس زوجي مايحب الأظافر الطويله يتقزز منها وأنا ما أحب أخليها تطول دايما أقلمها بس خواته ماشاء الله أظافرهم طوال حتى يوم أروح لهم يقولي إطبخي لي أنت وجيبيه وياماسوى مشاكل معاهم علشان الأظافر مايحبها حتى المطاعم تلقينه دايم يراقب الطباخ ويراقب يديه وأظافره ونظافة لبسه بعدين يطلب الأكل ولوشاف ملاحظه علا أحد العمال بالمطعم علا طول ماعاد يشتري منه أبد وعندك أختي مخابز التميس تلقين أكثرهم أفغانين الواحد سواعده مليانه شعر وتلقينه يلفلف العجينه علاسواعده وبعدين يحطها بالمخبز والله إنه شيئ مقزز أنا ماأخذه من برى أزبطه بالبيت بالفرن وأولا وأخيرا الشعره تنغسل بشامبوهات والماء والله أناكان عندي أخ كان لوحصل شعره بلأكل يشيلها ويصفنا أنا وخواتي أربع ونكشف شعورنا ويقوم يطبقها ويقارنها وإللي تطابق الشعره مع شعرها ياويلها وسواد ليلها الحمد الله إن زوجي ماطلع مثل أخوي وكان دايم يقول اللي القى شعرها طالع وقت الطبخ المقص جاهز أحلقه علا الصفر أبوي الله يرحمه وباقي إخواني مايهتموا
يشيلوها وياكلوا لاكن هاذا الأخ معقدنا بس تزوجنا وأرتحنا منه وهوبعد متزوج ويادار مادخلك شر حتى والله يا أختي جتني منه عقده لورحت له زياره وأنا بلمجلس جالسه معاه تلقيني أتحسس فيه شعره طالعه من هنا والله هنا علا طول بالطرحه عكس إخواني الثانين ماخذه راحتي عندهم طبعا هو أكبر واحد فينا لازم نطيع أوامره مشكوره أختي علا الموضوع هذا الأكثر من رائع وياليت إن المنتدى يكون علا طول كذا ومانشوف فيه مشاكل إلا وتكون محلوله بإذن الله تعالي.