مشكور أخوي علا مثل هاذا الموضوع بصراحه موضوع في محله وأنا بالنسبه لي أمقت مثل هاذي الطريقه ولا أحبها أبد لأن الثقه مطلوبه بالطرف الآخر زوجي عمره مافتش جوالي أبد رغم إن عندي شريحتين وحده خط عام والثانيه إتصال مدفوع وبالنسبه لي زوجي وجواله كتاب مفتوح قدامي حتى كرت الشحن يعطيني أناأشحنه له وأعدل له الخلفيات وأرسله بالبلوتوث من جوالي صور ومقاطع فديووصوت وأنسخها علا الأستديو في جواله حتى لوجاه مسج وحنا جالسين مع بعض يقول إفتحيه وقولي لي ويش فيه حتى لوبغيته أخذه وهو موجود ماعمره قال ويش تبغين بجوالي إلا لاشافني أتصل من جواله يقول لي خير ورصيدك إللي بجوالك ويش صار عليه أكيد خلص رغم إنه ياخذ كرت شحن لي وله بنفس المبلغ لاكن عاد تعرف قرقت حريم وزوجي ماشاءالله عليه إقتصادي بلإتصالات ومايحب الهذره يقول توجعه آذانه لوطول في إتصال الجوال بس أكيد عنده ناس ماهي مقصره بلإتصال من جواله أنا عنه بنيابه أقرب جوالي بس وأنقل أي رقم من أرقام إللي أبغاها واسجله بجهازه وأتصل بلا شغل بحث وتحري ولا إستخبارت مركزيه من أول ماشرينا الجوالات أنا وياه كذا حتى لو أخذ جوالي وقام يطالع محتوياته أكيد مارايحه أزعل منه شئ عادي وأثق فيه حتى لوفيه إزعاجات من برى أعطيه الجوال ويشرشح المتصل شرشحه وعقبها يعطيني الجوال بس حتى هاذي المواقف نادراماتصير فأنا أنصح كل زوجه تحب تفتش ورى ظهر زوجها بجواله أو حتى بأغراضه الخاصه تترك هاذي الصفه لأنها مصدرخراب البيوت وعدم الإستقرارإذا عطاك زوجك جواله بنفس راضيه إخذيه وفتشي علا راحتك ولوماعطاك خليه لوفي نفسه شئ الله بيحاسبه وليس أنت لوفتشتي بتجيبي لنفسك مرض وأوهام ومشاكل أنتي في غنى عنها فعيشي حياتك وأتركيه بتلقينه بعد فتره هو يطلب منك تشوفين جواله ويعطيك إياه برضاه وتصيرين تاخذينه قدامه مايتضايق الرجل يزعل لوزوجته فتشت جواله من ورى ظهره وحصلت أشياء ما أعجبتها ماتقدرتصبر بتشب نار
بالذات لوالشغله فيها نسوان فتجلس تنتقده وتعصب عليه وتجلس تنصح وتصيح فأكيد هاذا شئ بيضايقه وتاخذه العزه بالإثم ويمنعهامن جواله ويقولها أنا ما أنا طفل تفتشين من وراي أنا رجل وكيفي كيف نفسي وتصير حياتهم كلها شكوك في شكوك ومشاكل مالها أول ولاتالي فالحب والإحترام وقبلها الثقه الثقه أهم شئ بين الأزواج عموما أخوي جزاك الله خير علا مثل هاذا الموضوع المفيد إللي هدفه توعية مثل تلك النوعيات من الزوجات ونصحهم وإستفادتهم من موضوعك بتجارب الأخوان والأخوات .