السلام عليكم

يا اخوان انا عندي اخ اكبر مني بخمس سنين وهو عمره 29 وهو غير متزوج المشكلة هو له شهر
متعرف على اخويا جدد عنده بالدوام ومن تعرف عليهم وهو متغير من ناحية تصرفاته صاير دايم يضحك وتجيه
حاله هيستيريه وعيونه حمر ويحاول يخفي حالته وعيونه عني واذا قلت له ابطلع معكم يصرفني مع العلم ان
اخوياه القدامى هم اخوياي يعني 24 ساعة اعرف وين يقضي يومه وقدام عيوني واخوياه القدامى الحين يسئلوني عنه لانه انقطع عنا لاكن من تعرف على هالجدد مايبغاني اتعرف عليهم ولا اطلع معهم واخوياه الجدد اشكالهم قشران وواضح عليهم الخراب والسربته
للمعلومه اذا طلع معهم يرجع ويقعد في بيت الشعر لحاله ويتقهوي ويضحك لحاله !! واذا سألته ليش تضحك يقول البرنامج يضحك وهو كذاب لا يضحك ولا شي وامس
مزودها شوي جا البيت الساعة 2 الليل ولما جا يوقف السيارة صدم الرصيف اللي عند البيت ووقفته كانت غلط ودخل البيت متلطم مسرع وراح نام وترك الداوم ومن بكرة قام يصارخ على اخواتي وهم ماسوو شي واخلاقه بخشمه
للمعلومية حتى الوالده واخواتي ملاحظين هالشي ويسئلوني عنه وانا اقول لا عادي الامر طبيعي
والاغرب من هذا كله انه ماوده يتزوج بحجه انه قاعد يجمع وهو نصاب عنده فوق ال 250 الف وابوي اصلا
بيتكفل بموضوع الزواج !!! يعني واحد عمره 29 ليش مايبغى يتزوج !!

يا اخوان انا الوضع مو عاجبني وشاك انه يحشش او يسكر او وراه شي كبييير وخايف على والدتي واخواتي انا بأطلع من البيت لاني باتزوج قريب واخوي الثاني متزوج ومشغول بأهله ووالدي كبير في السن
شورو على وش اسوي؟؟

__________________