السلام عليكم ورحمة الله وبركاته
والله ما ادري وش اقول بس بنتي عمرها 6 سنوات تدرس اولى ابتدائي واليوم كلموني المدرسه يقولون لازم تجين بكره نتفاهم معك لان فيه اولياء امور مشتكين على بنتك عنيفه مع عيالهم بالاضافه لانها لاتلتزم الادب بالفصل وكثيرة الحركه ولاتحترم المعلمه . وقالت المعلمه شوفي بنتك عالجيها يمكن عندها اضطراب كثرة الحركه . انا قلت لوالدها وقال البنت مافيها شي . بس انا الاحظ عليها ما تصبر ابد ولاتجلس لربع ساعه متواصله الا اذا كانت تلعب على الالعاب في النت او تتفرج على افلام كرتون
تحب تلعب مع الاولاد اكثر من البنات وتحب الالعاب اللي فيها ركض وملاحق . تنسى كثير. حنونه جدا ممكن موقف بسيط يبكيها ولو طلعت من البيت بدونها هي الوحيده من اخوانها تبكي وتقول ماما راح اشتاق لك .كلامها واضح واسلوبها حلو وذكيه ماشاء الله بس ثرثاره . وماعندها مشكله تتكلم مع احد اول مره تشوفه . ومن يوم كانت صغيره ماتخاف من الغرباء مثل باقي الاطفال . ارجوكم طمنوني هل فعلا بنتي عاديه بس مجرد انها ملقوفه وعنيده . او فعلا تعاني من اضطراب ما ؟؟؟


فضلاً لاحظ، على الرغم من عدم ظهور أزرار الكود و الابتسامة، فإنها لا تزال قابلة للإستعمال