خلاف بيني وبين زوجتي = ضربة جزاء
السلام عليكم ورحمة الله وبركاته
اخوتي الاحبة كيف حالكم عساكم بخير
موضوعي بختصار
انا متزوج منذ فترة بسيطة .. وزوجتي مو كبيرة بالعمر تقريبا 18..
حدث بينا خلاف .. على اثر الخلاف اخذتها على بيت اهلها .. لأن ابوها في بداية الزواج تعهد اذا صارت مشكلة انه يدخل فيها ويحلها .. وانا من هذا المنطلق وديتها على بيت اهلها .. انتظرته ما اجة وقلت اجي وقت ثاني علشان اقوله الموضوع ونتساعد في حله ..
اكتشفت انه بعد ماراح على بيتهم وشاف بنته هناك وكانت تعرفون النسوان ( بكاء وبابا وضربني وموتني وذبحني وكان رح يدفني في الارض لولا مالقى شي يحفر فيه ..وعشان الجيران الي تحت مسوين جبصين في السقف جديد ) ومن هالسواليف ..
انا عرفت انه زعلان .. وكنت في الشغل طبعا .. ما اتصلت فيه لأن اعرفه لمة يزعل يمكن مايرد .. كتبت له ايميل وشرح له القصة من طق طق للسلام عليكم .. رد عليّ برسالة طبعا ..
الله المستعان .. حنه بنحاول نعلمّها حقوق زوجها ونفهمها كيف تحترم زوجها (( لكن )) مارح تاخذها إلأاااااااااااااااااااااا بعد ماتصير أم + ربة منزل مضبوطة + طباخة ماهرة + شخصية قوية تحترم زوجها وتقدره
طبعا الكلام واضح .. وهي رسالة معناها بنتي عندي وماتحلم تاخذها مرة ثانية ..
لأن مافي بنت تاخذ دورة في الحياة بيومين ... مستحيييييييل
ورحت اشوفها في بيتهم وهو كان موجود و قال ماتشوفها .. اذا طلعت لك اكسر راسها !!
بعد كم يوم .. اتصلت في زوجتي راضيتها ورحت جبت لها هدية غالية ورحت عليها من الباب عطيتها الهدية ورحت ..
وكنت اكلمها على الجوال واكسب قلبها من جديد ..
لاجظت في آخر أيام ان البنت بدأ تتكبر شوووي
بدأت وانا اكلمها تحاول تسكر التليفون .. وترمزلي ببعض الكلمات الغير مناسبة ..
اخر مرة اتصلت فيها سكرت التليفون بوجهي .. !!
وانا مو مقصر معاها الحمدلله ... آخر مرة 0بعد ماسكرت بوجهي ارسلت لها رسالة قلت لها خلاص انتي خليكي بيت اهلك اذا مرتاحة وماتبين ترجعين بيتك .. انا مسافر ..
ردت ّ عليّ .. قالت بس تروح الشغل جيب لي مفتاح البيت بروح اجيب اغراضي ...
انا بصراحة في حيرة من امري مع زوجتي .. انا احبها مالي غيرها في الدنيا .. وماعندي مثلا علاقات اجتماعية او اصدقاء واروح معاهم واقضي معاهم يومي .. ماعندي غير شغلي وزوجتي ..
لكن قاعد افكر اتركها .. مو هروب من المسؤولية بس انا اشوف انها هي الي تبغى هذا الشي . .
هي الي عندها اهلها في المرتبة الاولى ..
هي الي ماعندها اي احترام لزوجها ..
هي الي اذا زوجها قال لها كلمة .. ولسة ماخلّص تزعل علية وتصيح وتبكي
مشكلتي الآن في التدخل من اهل زوجتي في حياتنا الزوجية ..
مشكلتي في احتفاظ الاب بأبنته ..
مشلكتي بتأثير البيئة العايشة فيها عليها بشكل سلبي . .
مشكلتي بعقلها الصغير ..
مشكلتي في نفسي انا .. الي مااعرف اتصرف بشكل جيد