الله يعينك علا زوجك وأهله مدام تفكيرهم كذا كان زوجوا إبنهم فقاصة دجاج أحسن كل يوم بيضه عشره شهور بس باقي بدري عليكم أنا جلست ثمان سنوات ماحملت وبعدها الله رزقنا عيال والحين مخلفه خمسه والحمدالله وماكان فيه أي مانع من الخلفه لامني ولامن زوجي سوينا تحاليل وطلعنا سليمين بس مسألة وقت وأنا تزوجت وكان عمري صغيره جدا بالثالثه عشره بس زوجي أكبر عني بشويه وماجاني عيال إلا وأنا عمري حول واحد وعشرين والله اليوم بعد ماجوني عيال صرنا أنا وزوجي نفتقد ذيك الأيام لأنها أجمل أيام وسنين عشناها مع بعض وتحمل ذكريات حلوه بس جونا عيال ماعاد باقي إلا شوي وأنهبل من مشاكلهم الله يعطيهم العافيه ويصلحهم ربنا وصدقيني زوجك هاذا لوتحملي الحين وتجيبي عيال ليندم علا أيامه إللي مضت ويتمنا ترجع له
لأنه ما أنبسط بوجود الصغير حوسه ولوسه بس صدقيني إن أهله مأثرين عليه
وهومتظايق من كلامهم وإلا كان ماتغير عليك واجد إنتي أعطيه أمثله عن ناس تعرفوهم لهم فتره متزوجين وماجاهم عيال وصابرين ومحتسبين الأجر وأنت ماقصرتي معاه قايلتله لوطلع مني السبب أنا بخطب لك بنفسي سبحان الله علا ناس قل بها الوفاء فيه بعضهم الرجال يكون السبب منه وعارف إن عنده مشكله بلخلفه ويتهرب من زوجته مايعترف لها بأنه السبب منه علشان ماتطلب الطلاق منه لاكن حنا الحريم لوحبيناهم ماحبيناهم مايصدق بعذر إلا بيتزوج عليها عشره شهور بس وناوي يتزوج الظاهر زوجك المهر إللي دفعه فيك ماكوى قلبه هو وأهله حتى نسيوا تكاليف العرس بهاذي السرعه يبغى يتزوج طيب لوفرضا تزوج وماخلفت له وش حجته بعدين هو واهله صدق أهل العقول في نعمه شوفي حبيبتي أنت إدعي الله وصلي في آخر اليل وإستغفري وأرفعي يديك لمن خلقك فهو قادر بأن يرزقك والله إني مجربتها ماكملت الشهر إلا وأنا حامل وأخلصي في دعائك لله سبحانه وتعالى يارب نسألك ياحي ياقيوم بأعز شئ إلى نفسك أن ترزق أختنافي الله العيال الصالحين وترزق كل محروم من العيال يارب إجبر بخاطرهم وأسعد قلوبهم وأفرحهم يارب إنك أنت الواحد الأحد القادرعلى ذلك يارب حقق طلبهم وإعطهم سؤلهم إنهم عبيدك وأمرهم بيدك وأنت أعلم بحالهم منا يارب أنت الوهاب لامعطي لما منعت ولامانع لما أعطيت سبحانك اللهم لا إله أنت وحدك لاشريك لك سبحانك اللهم كما ينبغي لجلال وجهك وعظيم سلطانك .