شوفي ياعمري وازيدك من الشعر بيت من يوم ركبته لي سنتين مافحصته ولا رحت لدكتوره تشوفه أبد بس إنشري لعيونك يلغاليه إن شاءالله أفحصه عن قريب وأسأل الدكتوره ويش نوعيته لأنها مسجلته عندها بالملف ولوكان موضوعك باقي أرد عليك إن شاءالله بس أخاف الحين إنه مصدي في الرحم
ونسيت أقولك أنايوم ركبت عندها أعطتني تحاميل قالت لي إستعمليها بعد ماتطهري أوخامس يوم وسادس يوم من الدوره في اليل تحميله سألتها ليش قالت لي هاذي تحاميل تنظف وتشيل الرواسب والعوالق إللي على اللولب من نزول الدوره لأنه لوبقي رواسب في اللولب تسبب إلتهابات بالمستقبل أخذتها منها وماإستعملتها إلا بعد دورتين بس وتركتها بس الحمدالله مرتاحه ومبسوطه وأبشرك بعد زوجي قال لاتشيلنه إلا لوحسيت نفسك تعبانه خلاص خلك ترتاحي من الحمل لأني بصراحه يا أختي حملي تعب ومعاناة تصدقين إني لوحملت خلاص طبخ ماعاد فيه بالبيت إلا إلين أولد أو أبوالشباب تكون عنده همه ويطبخ ويشتغل هو والظاهر الرجل شكله تعب وهو يكرف بالبيت والمطبخ علشان كذا فرحان يوم ركبت لولب أناالوحم يذبحني من الشهر الأول إلين التاسع ما أقدر أطبخ اقوم اروح المطبخ بسوي وجبه خفيفه مجرد ما يدي تمس أشياء الطبخ أرجع علاطول ما أتحمل وبالنسبه يا أختي فيه وحده حاطه صوره لشئ تقول يمنع الحمل شكله علا غطاء كأنه صحن مهلبيه طيب هاذا مايؤلم تدخلينه كل ليله لاوالله بصراحه اللولب ارحم يدخل مره وحده وخلاص اما هاذا
صراحه كل وحده ووجهة نظرها بعدين يمكن مايتعقم زين ويسبب لها إلتهابات والدكتوره ماتركب لولب إلين تقوم بقياس الرحم بعدين تعطيك وصفه وتجيبيه من الصيدليه وتركبه لك علا طول ومثل ماوصفت لك إحدى الأخوات هنا بالظبط إنتي جربي وإنشاءالله يظبط معك وهو صح إله خيط بس أنا ما أحس فيه إلا وقت الدوره ينزل وبعدها يختفي وبالنسبه لزوجي سألته قال ماحسيت بشئ عادي الوضع بالنسبه لسواليف الحريم كثيره حتى أنا سبق وقالت لي وحده إن فيه حرمه ركبت لولب وجاء زوجها وقت الجماع وعلق بلولب وأتصل علا أهله وغطوهم بشرشف وراحوا بيهم للمستشفى علشان يفكونهم وهم متلازقين مع بعض بالله هاذي سالفه تدخل العقل
والله أنا صراحه خفت من السالفه هاذي كثير وترددت بتركيب اللولب بس وأنا أختك بلغ السيل الزبى وغامرت وسألت الدكتوره عن هاذي السالفه بالذات وضحكت عليه وقالت لي يمدام إيه الكلام دا جايبه منين الكلام دا كذب وهاذا خرافات وكلام نسوان أنابصراحه أول مره أسمع حكاية مثل دي وتفشلت منها وجلست تضحك وتترجم للمرضه إلا عندها فلبينيه وجلسوا يسولفوا ويضحكوا وأنا مثل الأطرش بالزفه تدوري علي مابتلاقيني وإستحيت منها وبنفس الوقت خايفه إن السالفه حقيقه بس الحمدالله عدت علاخير وعسى بس مانسبب أوهام للأزواج بهاذي السالفه وأسلم عليكم وأعذروني علا الإطاله لأني بصراحه فاضيه ومالقيت إلا إني أكتب إللي بجعبتي عن اللولب هنا .























ب

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله