ديننا وسطيه
فكل أمر غريب لابد ان ننظر له بتمهل وتعقل
فكل خاطب ياتي وينصرف بدون اسباب او الرفض من الفتاه بدون اسباب هنا نقول عين نفس حسد من هالامور
اما كلما طقت حصاه عود 
قلنا حسد <<مدري من وين جا هالمثل
اللي يقول منتشر بين الحريم اكثر 
اقولك قصه عندنا بالديره
اثنين مشهورين بالحسد على مستوى المنطقه ..دخلوا بتنافس <<حشا ماصار تنافس على شيء يسوى
الاول راح لمزرعة الثاني وشاف عنده خضار ماتطلع بهالموسم فقال هب ..توه مقفي ..((منصرف)) الا وكل الخضره كانها مرشوشه بما حار ذبلانه
جاء الثاني وقال للعمال اكيد فلان جاي لمرزعتي ..فكانت الاجابه بنعم
دخل على الجماعه بالمجلس وقال لهم اشهدوا ياجماعه على اللي سواه .. يختار واحد من الثنتين اما القبر ولا يتحرول ( يصير مقعد ) <<<استغفر الله ياربي صار فيها خيارات
قالوا الجماعه استهدوا بالله وعياله وبدأو يذكره بمسكنة الاول ...
قال خلاص والله مايقوم من فراشه الا بعد ست شهور..كانت اللي تقص القصه تحلف انها راحت للأول على فراشه ومايقدر يقوم كله بس يزحف لمدة ست شهور
هذي القصه يحكوها لنا الاباء الى الان ومازالوا الحساد عايشين...
لاحول ولاقوة إلا بالله
ولولا إذ دخلت جنتك قلت ماشاء الله لاقوة إلا بالله
القصص عندنا كثيره حول الحسد وهو حق واكثر الناس مصابين واكثر الامراض بسببها واكثر ضيقة الصدر والهموم بسببها
يالله يالي تغسل الأرض بالسيل ......أغسل قلوب أهل الحسد من حسدها
__________________
[IMG]http://im3.***********/2011-05-11/130510309661.jpg[/IMG]
يارب فرج همي وجميع المسلمين
التعديل الأخير تم بواسطة في الإنتظار ; 29-10-2010 الساعة 09:16 PM