شوفي يا اختي
بقولك تجربتي
ام زوجي ورتني الوووويل لدرجة ان حياتي صارت مجرد نكد ومشاكل وتفكيري كله كيف ارضيها
كنت اشتكي لامي من تصرفاتها وامي كانت تقول لي اذا تبغين تبرين فيني بري بأم زوجك لانها امه
اذا جبتي لي هديه جيبي لها مثلي
صرت اتعامل مع ام زوجي على هالاساس
رغم انها كانت تعاملني معاملة بمنتهى القسوه بدون مبرر او سبب
ما راح اخوض بتفاصيل مشاكلها معي
كان هدفي اشتري حياتي واحتسب الاجر فيها لانها ام زوجي وبناءا على توجيه ونصيحة امي لي
تقربت منها بالهدايا والاتصالات واسمع همومها ومشاكلها اضحك بوجهها بس احسها مومتقبلتني
واسمع من الناس انها تمدحني وتقول اني بنت ناس وحمايل واخلاق واتحمل ومن هالحكي
لكن بوجهي وقدام زوجي انواع السب والشتم فيني
المهم لما مرضت بناتها تركوها وانا كنت معاها بيوم وفاتها البسها واشربها واواسيها وتوفت الله يرحمها ويغفر لها ويغفر لنا ذنوبنا جميعآ
راحت الله يرحمها وصدقيني اختي اسمعيها نصيحه من اختك اخت مجربة وعاشت الامرين
عامليها على اساس انها امرأة كبيرة بالسن ومحتاجه عطف وحنان منك ومن ولدها
لاتنسين انها بعد الله سبحانه وتعالى جابت لك اغلى الناس ولدها زوجك
عامليها حسب عمرها ونفسيتها
عامليها مثل ماتعاملي والدتك
تقربي منها بالكلام الطيب والهدايا والابتسامة
طال الزمان او قصر بتعرف قيمتك لو بعد حين
اتمنى اكون افدتك
__________________
لا اله الا انت سبحانك اني كنت من الظالمين