لافض الله فوك أخي سديد الرأي وبارك الله فيك أنت صادق بكلامك والأخت أم القسام إعتذرت عن كلامها السابق وهذا يدل علا طيبتهاوحسن أخلاقها بصراحه أخي سديد الرأي أشكرك لأنك وصلت الشئ اللي نفسي أقوله بس أبغى أمثله وهاذا أنت جبت أمثله عن ناس تعرفهم شخصيا ومثل ماقلت سابقا في كل مجتمع لابد من صالح وطالح وأنا أقول لأختي بنوته لاتصدقين كل مايقال عن إن زوجات العسكرين يتعبون في حياتهم
أنا بقول لك في إيش يتعبون يتعبون وقت الوحده تجي زوجها دوره أوبعثه
تداريب وتكون بعضهامن شهرين لثلاثه شهور برضوا عندك المشاريع يطلعون مشاريع واجدأحيانا تمتد خمسة عشر يوم وفيه إنتدابات وإلحاقات بعضها تكون لمدة سنتين هاذا هو إللي يتعبنا ويرهقنا حنى زوجاتهم بس كله يهون لجل عيون الوطن وتراب الوطن لاكن بالنسبه لزوجك عمله زين وما أتوقع عنده أعمال شاقه لأن في قطاع وزارة الداخليه وهذا القطاع وظايفه حلوه أنا زوجي قطاع عمله تابع القوات المسلحه هم دايما عملهم تعب وشاق الحمدالله متعودين عليه وكلنا فدى للوطن أنا عندي ثلاثه أولاد وأتمنا من الله يرزقني عشره أولاد وأوظف كل واحد بقطاع من القطاعات
العسكريه أمنيه ياليتها تتحقق يابنوته من جدك إنتي ويش دخل الأحاسيس والمشاعر والحب بالوظيفه طيب وإللي زوجها ينفذ حكم الإعدام بالمجرمين يعني سياف يقص رقاب ويش تتوقعين شعورها هاذي زوجته وكيف علاقته فيها
طيب والجلاد طيب والجزار كل يوم يذبح خرفان أختي كبري عقلك وإذا كان طيب وأخلاق وعارف حدودالله وافقي ولاتظيعين هاذي الفرصه من إيديك يمكن بعدها ما أحد يدق بابك وتصيرين عانس وأنتي عمرك 28سنه يعني شوفي حياتك ومستقبلك ولاتلتفتين للكلام الذي لايودي ولا يجيب أنت بنت متعلمه ومثقفه وزوجك لوالله كتب لك بنصيب أكيد ماوصل رتبة ظابط إلا وإن أخلاقه عاليه وإنه شخص مميز في عمله وحياته
والأخت إللي تقول جاسوس هاذا مايكشف عورات الناس هاذا يكشف جرايم الناس وتخطيطاتهم وأتوقع إن هاذاالقطاع في كل دوله والإحتياط واجب لوماكان فيه تحري كيف بنكتشف مروج المخدرات لومافيه تحري كيف بنكتشف المخربين لومافيه تحري كيف بنمسك المجرم سوا قاتل أو سارق أو مرتشي أومغتصب أو مختطف قولي لي كيف بنحلم فيه وحنا نايمين يعني نشوف رؤيا إنه فلان بن فلان مجرم سوا كذا يا أختي خلينا بالعقل مثلا حصلت جريمه ومامسكوا الفاعل وهم عندهم شكوك حول أشخاص يعني ماينفع يراقبوهم علا جوالاتهم حول منازلهم حول أصحابهم حتى ياخذوا عليه أدله وبعدها يواجهوه بالتهمه مع الأدله هاذاماهو تجسس هاذا إظهار للحقائق وهاذي وظائفهم إنهم يحفظوا أمن الوطن والمواطن ولوماكان هذا القطاع موجود كان الله أعلم بحالنا لأن له الفضل بعد الله في إجهاض الكثير من المخططات الإجراميه التي تستهدف الأبرياء الله يوفقهم ويشد من أزرهم و يحفظهم من كل شر وفتنه وربي يحفظ أرض الرساله ويحفظ حكامنا من كل شر وعساهم علا القوه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله