تعرفت عليه من موقع للزواج ويريد ان يخطبني وانا متردده
السلام عليكم ..
انا عندي مشكلة اتمنى تساعدوني فيها من غير تجريح ..
انا كنت مشتركة بموقع زواج وتواصلت مع شخص مناسب لي نوعا ما لكن بينا فروقات ..
واللي هي .. انا غير قبيليه وهو قبيلي .. هو قالي باالبداية انه ارمل وتواصلنا 4 اشهر تقريباً وكل مابيتقدم يصير شي له او لي ونأجل الموضوع ..
مع الايام قالي انا مطلق وزعلت منه ليه ماقالي الحقيقة وهم مع الايام اتضح لي انه متزوج وعندة بنتين 
انا زعلت منه وتركته ورجعنا قبل يومين
انا وياه متفاهمين مع بعض بشكل مو طبيعي مو ناقصنا شي غير الزواج ..
هو اهله بالجنوب بس عايش باالشرقية بنفس من 7 سنين عزابي واهله عايشين بقرية باالجنوب ومايعرفون الحظارة لدرجة انهم الى الان ببيتهم الخرفان ..
قالي ان زوجته مريضة واصلا ماتبي تجي لشرقية ولا تبي تطلع من بيتها وفيها فشل كلوي وكلام كثير ..
هو مستقر وطفش من حياته من غير زوجة عايش عزابي
انا متردده فيه من اول ماتعرفت علية للعلم انة بيجي مع صاحبه يخطبني من غير حريم بس عند اهله علم انة يبي يتزوج من الشرقية ..
بس بصراحة انا مترددة طول هاالفترة من ناحية انا متفاهمة وياه ومرتاحة له لدرجة خيالية
ومن ناحية ثانية خايفة من بكرة وش بيصير ومحد يدري عن المكتوب مثلا لو اهله درو انه تزوج بيمر الموضوع بس تزوج غير قبلية ماراح يمر وراح يعارضونة وهاذا اذا ماخلوه يطلق
هو يحبني ويبيني بس البلا فيني انا ..
للعلم ان عمري 23 وهو 32
وبعدين انا فرصتي باالزواج قليله جداً .. وانا ابوي متوفي مالي احد باالدنيا غير امي الله يطول بعمرها ..
خايفه اضيعه من يدي !!
وخايفه اتزوجه واندم