أنا زوجي عنده مريض بالسكر الله يشفيه بصراحه يقهرني دايما بأكله للأشياء الحلوه مثل التمر والجلكسي والحلويات الثانيه مثلا ظبطت القهوه يقول حطي تمر أقول له أبشر بس بشرط تاكل حبتين منه بس يقول خلاص
أنت بس جيبيه أنا أجيب صحن التمر وأصب القهوه وهويشتغل صحن التمر وأنا أطالع فيه وين وعدك خلاص جيب وأشيله من قدامه أرجعه المطبخ بس أحيانا لما نجلس ناكل أنا وياه أجلس أعد نوات التمر حقته بس هو أذكى يستغل روحتي لشغله صغيره وياكل ويحط نوى التمر إللي أكله من جهتي أنا مع النوى إللي أنا أكلتها ويحط عنده ثلاث أوثنتين من نوات التمر من جهته هو علشان لاشفتها ما أجلس أعقب وأنصح ليش أنت ماتهتم بصحتك وأنت نسبة السكر عندك عاليه والسكر له مضاعفات خطيره
وابتدي بسر د خطورة السكر علا المريض بس زوجي أذن طين وأذن عجين يا كل يعني ياكل بس مره قفشته بالجرم المشهودأنا أكلت حبة تمر ورميت النوى من مكاني ورحت أجيب كاس مويه من المطبخ ولاجيت إلا ومن جهتي
حول أربع حبات نوى وأطالع من جهته إلا وهو ماكل ثلاث حبات وأنا متأكده إني ما أكلت إلا حبه وحده وقمت أجيب مويه سألته قال هاذا من جهتك إنتي قلت له صح بس غلطة الشاطر بعشره أنالمن طلعت من عندك ماأكلت إلا حبه وحده حاول يتهرب يمكن العيال خلاص شيلي صحن التمر وديه المطبخ بعد إيش أوديه بعد خراب مالطه أنت ماتهتم أنا أهتم بأكله وحميه ومحافظه عليه من كل شئ يتعبه بس إهو الله يهديه بس دايما يردد ما أحد بيموت ناقص يوم من عمره وأنا بصراحه شي نفسي تشتهيه بآكله بس يوم يشوفني زعلانه ومعصبه وماعاد أشاركه بلجلسه يعتذر ويوعدني إنه خلاص ما عاد يقرب الحلو بس أيام ورجعت حليمه لعادتها القديمه هومدمن علا التمر وشوكلاتة جلكسي جواهر هاذي مفضلته في كل الحلا دايما يجيب العلبه وداخل ياكل وخارج ياكل بس عرفت له قلت له جابوا خبر عنها قالوا إن في هاذا النوع من الشوكلاته توجد ماده مسرطنه قال أعوذ بالله من جدك أنت وين حصلتيها أقوله بالنت قال وحنا دايم نشتريها وناكلها بس أحس إنه حاس إنها ملعوب من ملاعيبي حتى صار يسألني ليه ماسحبوها من الأسواق للآن مخلينها برفوف المحلات وحسيت إن حبل الكذب قصير وبصراحه تاعبني كثير من جهت الحلى رغم إني أضبط بالبيت حلا ودايما أخفف السكر فيه علشانه أو أصلح له نفس الصنف بس بسكر طبي من الصيدليه أخذه له لاكني ماقدرت أسيطر عليه من هالناحيه وبرضو القهوه يموت عليها القهوه العربيه مايمر يوم إلا وشارب منها ترمس قهوه مايستغني عنها
أبدا والله أحيانا أني أعصب عليه وأتظايق
من سلوكه بلأكل لأنه ما يمشي علا جدول الحميه تبعه بس يقول أنا ما أرتاح
لهاذا الجدول وما أحبه فصرت ما أضغط عليه بس الحلا لا هاذا فيه خطوط حمراء وله أشياء محدده.
بالنسبه لي أنا لوكثرت في شرب القهوه زوجي يزعل عليه يقول القهوه تكبر الحرمه وتخليها تصير عجوز إيش رأيك يا أخت لمني بشوق ههههههههههه
أمزح معك بس أنا عندي أملاح بالكلي ولو كثرت فيها أتعب شويه وحتى الدكتور كم مره قال لاتشربي قهوه كثير تسبب لك ترسبات بالكلي وزوجي ما صدق فيها مايبغاني عاد أشربها مره دايما أشرب فنجان او إثنين ويقول لي خلاص كافي لا وأبشرك يشيل الفنجان تبعي يوديه المطبخ بنفسه وأخيرا أعذريني أختي أطلت عليك بصراحه موضوعك حلو وخفيف مثل دمك ومشكوره على طرحه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله