ساعدوني في علاقتي مع خطيبي
السلام عليكم ...........................و تحية كبيرة لكل اعضاء المنتدى
اول مرة اشارك بس قبل كنت بقرا وشفت حكايا كتير متشابهة بالعمق و حكايتي وحدة من بين الحكايا .
حكايتي هي مع خطيبي احنا مخطوبين تقريبا سنة بس مو ملكين ما بنشوف بعض بس بنحكي بالموبايل.
تعرفنا على بعض بطريقة تقليدية (النظرة الشرعية) قبل الخطوبة ما كان بيعرفني و لا بحياتو شاف وجهي و حتي انا .
لما خطبنا كنا نحكي يعني بنتعرف على بعض ومن كلامو عرفت انو معجب فيا و بطريقة تفكيري
و نظرتي للحياة و هدا الشىء شجعني و خلاني ما كون مقيدة في تعاملاتي معو يعني قدرنا في فترة زمنية صغيرة نكسر حاجز الخجل
تعودنا عل بعض واحنا نحكي كتير بس من غير غزل او كلام حلو و هيك خلاني حس اني صديقة اكتر من اني خطيبة بس نظرتي للخطوبة ماكانت هيك
مع الوقت صارت المكالمات بتقل ساعات بيحكي معي دقيقة و ساعات مابتكمل الدقيقة وسبب كل مرة مشغول .و انا ولا مرة اتصلت فيه الا ادا كان تعبان و هو بحب الشىء فيا .و ادا بعت مساج ما يرد عليا الا باوقات نادرة.مليت و صرت باكثر الاوقات بفضل اسكت و هو بينزعج لما يشوفني ساكت
بالاول كان يحاول يعرف سبب سكوتي و هلا صار بيتهرب ما بحب يعرف بحب يحكي معي غير لما بضحك حتي لو كانت الضحك مزيفة.
صارت العلاقة بينا كتير ناشفة و باردة لما بزعلو براضيه فورا و لا مرة نمت و هو زعلان مني و هو لما صار يشوفني اني برضيه كتير صار مو فارقة معو زعلي ،انا لما بغلط بعترف بغلط و بطلب السماح
هو بيحترمني كتير لاني انا كمان بحترمو و هو اعترف بهالشىء
المشكلة هي في اشياء كتير بتنحس و مابتيتقلش انا بتمنى اتملك و اسمع كلمة حلوة بتمنى اعيش مثل كل البنات المخطوبات بتمنى احس انو قريب منى بتمنى احس اني مو الة لما يوصل وقتها بيستعملها .........و الله تعبت كل الليل دموعي على خدي ما كنت بعرف انو راح اعيش هيك.
و هلا الحالة بينا متوترة لانى هالمرة مابدي ارضيه لانى كل مرة انا لبراضيه و هلا بدياه هو يراضيني يمكن حس انو عندي قيمة
بتمني تساعدوني بردودكم يمكن ارتاح
التعديل الأخير تم بواسطة أم داليا ; 07-11-2010 الساعة 12:03 AM
السبب: العنوان