مساء الفل يا نانى وحشتينى جدا جدا
بمصر صعب عندنا الشغالات مستقويين القلب بشده
عارفه اسيويه يعنى ايه؟
يعنى 100 دينار كويتى حبيبتى ده اولا
تانى شى عندنا بمصر ما فيش حاجه اسمها دون يوم اجازه .....
ده غير انكم بالخليج ماشاء الله عليكم الواحده بتيجى لكم تشتغل لان ده اكل عيشها هنا بتاخدها على ان حضرتها بتتفضل عليكى وبتساعدك ... يعنى انتوا ماشاء الله عليكم بترعى البيت وتكوى وتغسل وتنضف وتشيل العيال انا اطفالى كبار ومش محتاجه حد يطبخ يعنى ادفع كل ده لمجرد التنضيف!!!
تقريبا ان مش وش انى اجيب خادمه هههههههههههههههههههههه
يا ناانى والله لو اقدر على المبلغ ده لجبتها
ثم فيه ازمه تانيه انا مش واخده على ان يبقى فيه حد ببيتى عايش معايا ...يعنى صعب اوى اوى دى هتبقى لازقه لى بقى سفر او خروج او كده ...
وحتى لو جبتها وسلمت امرى لله وليس من شرهن بد ...ماشى يا ستى هتعامل معاها ازاى ؟
لازم تعرفونى غلطى فين يا جماعه برضه ...
ناانى وجعت راسك بس بجد بجد دى مشكله مش عارفه لها اى حل
انا تقريبا خايبه فى تسيير الناس اللى من الفئه دى ...رغم انى ناجحه جدا فى ادراه البشر المتعلمين
هقولك ايه ادعوا لى ربنا يهدينى ويوفقنى فى واحده بنت حلال اعرف اعاملها