تسلم أناملك يا أخت همس 2009 صدقت بكل كلمه قلتيها وأنا شخصيا أنزل السوق أشوف مايشيب الرأس بس الشرهه ماهي على البنات الشرهه علا الراعي اللي تاركهم يصرحو ويمرحوعلى كيفهم لارقيب ولا حسيب والبنت لوماردها دينها وأخلاقها عن مثل ذلك اللبس والتبرج بالأسواق يردها راعيها وولي أمرها لاكن مانقول إلا حسبنا الله ونعم الوكيل أنا أشوف بنات بالأسواق لابسات عباية كتف تظهر أكثر من ماتستر تلقى كتوفها ظاهره ولوطالعت من الأمام صدرها بارز وواضح وأكثرهم متبرجات أقسم بالله حتى الظل حاطته مكياج كامل وبعد حتى مشيتها تقولين في عامها الأول تمشي تتمايل بغنج وحركات ودلع إنا لله ولوجيتي نصحتيها شبت فيك وسمعت عليك الناس وتتكلم عليك وتقل أدبها وشئ أكيد إن لو أسأت لي قدام الناس ماراح أقدر أرد عليها غير جزاك الله خير بس لوأنا بمجتمع كله نساء مابه رجال والله لا أرد عليها رد يجمد على الشارب بس قدام الرجال بمكان عام صعبه حبتين لا وزياده شاطرين بالقزقزه علا الرجال الحمدالله إن المولات عندنا مايدخلوها الشباب العزابيه بس أهل العوائل وإلا كان صارت الدنيا حيص وبيص وبنات ذا الجيل وشباب ذا الجيل مع الخير ياشقراء الموضه أهم شئ وما موديلات طيحني وسامحني يبويه وسلاسل وتعاليق بحلوق الشباب وأياديهم وتلقاه بالشارع و الجوال بيده وتسمع صوت الموسيقي الغربيه من بعد عشره متر وهو حتى أول حرف من إسمه بلإنجلزي مايعرفه بس تقليد أعمى
الله لايبلانا وربي يحفظ عيالنا إن شاءالله وسالفة إن العباءة من علا الرأس خيمه وش فيها الخيمه ماتستر من الشمس الجارقه وماتسترك من عيون الناس لوجلست داخلها أخواتي العزيزات قالوا عن عباءة المسلمه خيمه وقالوا إنهاتشبه
كيس زباله وقالوا إنها تقيد الحريه وإن المرأة العربيه مظتهده ومسلوبه حقوقها ولن تتخلص من ذلك الإظتهاد ولن تأخذ حقوقها وتتساوى بالرجل إلا إذا تخلصت من ذلك الرداء الأسود الذي تلبسه وأنا من هنا أقول لهم بأن القافلة تسير والكلاب تنبح ولايضر القافلة ذلك النباح وأقول بأن دعاة التحرر والتفسخ والحريه هم من يريد أن يسلخ الحجاب عن المرأة المسلمه لأنهم ملوا من رؤية نسائهم العاريات والمتبرجات ويريدون من النساء المسلمات المحجبات خلع حجابهم بس بالتدريج لذلك حتى يصلولمبتغاهم وماآريبهم الخائسه
ولاكن هيهات هيهات فهناك فرق بين حلوى معروضه مع بائع بالشارع ولايوجد لها غلاف ويتذوقها من يريد من المارة بالشارع والذباب والغبار عليهامن كل مكان وبين حلوى مغلفه في داخل علبتها وداخل محل عند بائعها لايستطيع رؤية شكلها و لا يتذوق طعمها إلا إن دفع ثمنها وصارت ملكا له المرأة جوهره ثمينه وغاليه والإسلام حفظ لهاكرامتها وحقوقها ولا تحتاج إلى محامين لدفاع عن حقوقها وموضوع لبس العباءة سيأتي بمواضيع حلوه إن شاء الله من إخواننا وأخواتنا عن أشياء حلوه ونصائح مفيده لبعضنا البعض مثلا عن مراهقة الشباب والبنات كيف نوجهم التوجيه الصحيح ونحسن تربيتهم وكمان عن لبس البنات وتبرجهم بالأسواق وموضات الشباب وتقليعاتهم وقصات شعرهم وبصراحه أشياء واجد حنا غافلين عنها
وأنا أشوف إن من البيت تنطلق نقطة النجاح والتربيه السنعه وزرع الثقه بالنفس للولد والبنت وإعطاهم جرعات كافيه من الحب والحنان والإهتمام حتى
لايتأثروا بلأشياء الخارجيه وينحرفون إلى طريق الغلط والضياع الأب والأم هم من يزرعون البذرة الأولى من الصغر فإن أحسنوا رعايتها والإهتمام بها فحتما سيجنون ثمارا طيبه حلوة المذاق وإن زرعوها وأهملوا رعايتها وتركوها تواجه مصيرها لوحدها فشئ أكيد إن الثمر بيطلع غير ناضج وحتى لونضج فلن تستطيع أكله لأنه إما مرا مثل العلقم أو حامض لايستساغ أطلت عليكم بهاذا الرد
وأشكر الأخوان الرجال إللي شاركوا في هذا الموضوع وأنامازلت أصر علا مشاركة إخوانا الرجال في هذا الموضوع أو عمل تصويت أو إستفتاء عن رأيهم في لبس عباءة الرأس وعباءة الكتف وأيهما أفضل منها للمرأة لأن الحجاب خلق لأن نستتر من أعين الرجال ويهمني رأي الرجال في هذا الموضوع وشكرا لأختنا صاحبة الموضوع الذي لامس أحوال الكثير من النساء في حجابهم ولبسهم للعباءة وأنابصراحه بحياتي كلها لا أنا ولا أخواتي ولابنات العائله قد لبسناها الحمدالله يارب أسترنا فوق الأرض وتحت الأرض ويوم العرض وتوفنا يارب ونحن مسلمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله