السلام عليكم ورحمة الله وبركاته

مرحبا اخت ماريا

اللي يعيش مع اطفال توقع منه اي شي بصراحه الاطفال انا اعتبرها كائنات غريبه ابدا ما تتنبأ بتصرفاتها

كل يوم حال اللي يحبونه اليوم يكرهونه بكرا والعكس صحيح, والله انا كنت عند اهلي الخميس وحطيت راسي

على صدر امي واقول لها يا الله معقوله يا امي انتي كنتى تعبانه مننا كذا واحنا كنا ماشاء الله تسعه

قالت مو بس تعب منكم لا بعد شغل بيت وزوج على طول مسافر للوناسه واهل زوج متعبين وما يرضيهم شي.

انا عندي بنت عمرها اربع سنين وولد سنتين وبنت سنه احس حياتي كلها تغيرت كنت انسانه اجتماعيه درجه اولى

والصديقات كل شي بحياتي الان حتى مكالماتهم ما ارد عليها صار عندي اكتئاب واللي يموتني قهر لما اكون تعبانه

معهم طول اليوم وتعب نفسي وازعاج وتغيير وتلبيس وتحكيم وخصومه ويجي زوجي وبكل برود يعلق على اشياء تافهه

وهو ما يقدر يجلس معهم ساعه وحده. والله مررررررررره اتضايق ولما اقضي طول اليوم معهم العبهم وانا بموت من الهم

اكره نفسي شلون بعد ما كبرت صارت حياتي كلها مع اطفال بس اكلم اطفال اختي تجيني وتجلس مع بنتي الكبيره بس المشكله

ان بنتي لما تشوف اختي تصير تتدلع كثيييييييير وما اقدر اسيطر عليها والله الاطفال تعب وما عرفت ليه الجنه تحت اقدام

الامهات الا بعد ما صار عندي اطفال.

انا اتبع مع اطفالي عقاب الكرسي وينفع كثير بس لازم يكون عندك طولة بال عليه

ما اقدر افيدك بشئ بس شاركت عشان تحسين يا اخت ماريا ان كل الامهات عايشين نفس المعاناة

الله يصلحهم ويهديهم يااااااااااارب.