اخي العزيز

من واقع التجربة اذا بتفكرون بهالصورة المضطربة حتى النطفة تتأثر و تكون مضطربة

هدئ من روعها و حسسها انك مو مستعجل على العيال
اهي خوفها من انها يمكن ما تقدر تنجب يخليها تحاتي و ترى هالشعور و الحاله النفسية السيئة تأثر على موعد الحمل و حتى على الحمل اذا حصل

نصيحتي لكم لا تخلون هالموضوع ياخذ كل تفكيركم

و اذا تبيها تحمل من الآن مع انكم وايد مستعجلين على الموضوع لازم تفرق بين كل مرة تعاشرها يعني من بعد ما تطهر تعاشرها و تتركها يوم او اثنين و هكذا علشان تكون الحيوانات المنويه اقوى( حسب علمي)

و بعدين اذا كان همكم في كل معاشرة هو الأولاد و بس ما راح تستمتعون بهذي اللحظات و بتكون كأنها واجب قاعدين تأدونه

خل الأمور تاخذ مجراها الطبيعي و نسيها فكرة الانجاب اللحين خلكم في فكرة السعادة الزوجية و الجنسية و صدقني الراحه النفسية و الهدوء بتعجل الحمل

بعدين الخوف يجي بعد سنة من الزواج حتى لو رحتوا الطبيب راح يمهلكم سنة و بعدها يسمح لكم بالكشف عن اي مشاكل تأخر الحمل

فاذا كنت انت هادي و مو على وجل من مسألة الانجاب هدي زوجتك و لا تخليها تفكر وايد و تحاتي هالمسالة ترى الأمر بيدك اذا حست انك تحاتي اهي تخاف من ان تكون عندها مشكلة و تسيبها و من هاللأشياء

ادعو لكم بالتوفيق

__________________