حبيبتى كاتبه المشكله عارفه لو عمره 40 او 45 كنت قلت لك توكلى على الله وتزوجيه ده فى حاله ان له رغبه فيكى
انما 60 سنه يعنى هتعيشى ممرضه والاعمار بيد الله
ولكن ربنا قال اعقلها وتوكل
عارفه هو عاوز يعيش زمنه وياخد من شبابك يصب فى شيخوخته
عارفه بعد عشر او خمس سنوات هتبقى انتى بعمر الخمسين عقليا وعاطفيا وهو فى السبعين
هيردم ارضك بشيخوخته ودلعه الماسخ
هو عاوز اللى تدلعه وتعيد له صباه عاوز يعيش حياته مرات ومرات فى جسم وعقل وقلب شابه زى الورد زيك
زى مصاصى الدماء بالضبط هياخد من حيويتك وشبابك عشان يعيش هو
مش مهم انتى
المهم هو
ده تفكير راجل بالستين عاوز يقول انا لسه شباب واقدر احب واتحب انتى فى عمر حفيدته مش بنته حتى راجل بالستين بنته عالاقل عندها 38 سنه
اتقى الله فى شبابك الحب مالنا عليه سلطان بس التصرف لنا عليه الف سلطان
اسمعى منى انا اكبر منك ومريت باللى مريتى بيه مع راجل اكبر منى ب20 سنه وبعد ما افترقنا لقيت ان هو اللى بقى شاب بعد 17 سنه جواز وانا اللى عجزت وشخت ......ماهو كان لازم اكبر له وهو يصغر لى عشان نتقابل انا كبرت له وبقيت فى الخمسين وانا يادوب 30 سنه وهو صغر وبقى فى ال30 وهو 50 سنه وحب يمص دم حد تانى جديد لانى خلاص ما بقيت انفع
ارجو تكونى فاهمانى
دمتى بود
__________________
ليس كل ما يلمع ذهباً