عندما يأتي موعد الولادة هل اتصل بامي
السلام عليكم يا بنات
سؤال سريع انا اول مرة ولدت اتصلت بماما عشان تيجي المهم اجت هي وبابا وحضرت وقت الطلق الى وقت الولادة وما خلوها الدكاترة تدخل بس واقفة برا بتبكي،، وبابا قلقان،، بتعرفو كيف يعني وكذلك لما ولدت مرت اخوي نفس الشي قلق وبكاء
ف الحمدلله انا حامل حاليا بالثامن بس ما بطلع من راسي موضوع الولادة وعم بفكر ما اناديهم الا بعد ما اولد عشان ما يضلوا خايفين وقلقانين وما بعرف شو رايكم وانتو شو بتعملو بتنادوهم او لأ؟؟ كل واحدة تكتب رايها وازا عندها تجربة ياريت تكتبها..
وياريت تحكولي الولادة الثانية اسهل من الاولى ام نفس الشي
بعدين اول حمل ولدت على الاسبوع ال 38 هل الحمل الثاني سألد نفس الشي ام سأتأخر عنه؟؟ ياريت تفيدوني بتجاربكم
شكرا الكم يا حلوين
معلش لو اتاخرت بالرد لانه النت مش متوفر عندي دايما فاعزروني